Дзмітрый Івашкоў
Палітвязень
Дата нараджэння: 2 чэрвеня 1981
Дата затрымання: 27 верасня 2020
Прад'яўленыя абвінавачванні:
- ч. 2 арт. 293 Крымінальнага кодэкса — Удзел у масавых беспарадках
- арт. 292 Крымінальнага кодэкса — Захоп будынкаў і збудаванняў
Вынік суда: 6 гадоў
Від пакарання: пазбаўленне волі ў турме ва ўмовах строгага рэжыму
Суддзя: Хлышчанкоў Аляксей
Пракурор: Мікушаў Дзяніс, Астапенка А.
Месца зняволення: Турма № 4
Групы: Актывісты
Іншыя пазнакі: Турэмны рэжым
Заява аб прызнанні палітвязнем
Сімвалічны(ая) хросны(ая): Сабінэ Грюцмахер, дэпутатка Бундэстага ад Альянсу 90/Зялёныя, раней — Карл Ламерс
Дзмітрый Мікалаевіч Івашкоў — сябра ініцыятыўнай групы Святланы Ціханоўскай. Жанаты, мае сына Мікіту. Дзмітрый скончыў дарожна-будаўнічы тэхнікум, затым Беларускі дзяржаўны ўніверсітэт транспарту. Працаваў інжынерам-канструктарам, прарабам, начальнікам будаўнічага ўчастку. Апошнім часам разам з бацькам займаўся вытворчасцю вырабаў з металу.
Увесну 2020 году Дзмітрый далучыўся да каманды Сяргея Ціханоўскага. Удзельнічаў у зборы подпісаў і кампаніі агітацыі за Святлану Ціханоўскую.
Міліцыя затрымала яго 6 жніўня 2020 г., моцна пабіўшы. Нягледзячы на шматлікія траўмы, актывіста арыштавалі на 15 сутак. Пакаранне адбываў у Брагіне — на той час гомельскі ІЧУ быў перапоўнены. У ізалятары пачала гнаіцца пашкоджаная нага. Трапіў у шпіталь.
Пасля выпіскі быў вымушаны доўгі час не жыць дома, хавацца, бо пад домам дзяжурыла міліцыя. Дзмітрыя шукалі.
27 верасня 2020 г. ён выйшаў на Марш пратэсту ў Гомелі, дзе яго затрымаў АМАП. Спачатку гаворка ішла пра адміністрацыйны арышт. Потым Дзмітрый апынуўся на "Валадарцы" і стаў абвінавачаным у крымінальнай справе аб "масавых беспарадках" і "захопе будынкаў".
4 траўня 2021 суд Чыгуначнага раёну Гомеля агучыў прысуды па крымінальнай справе ў дачыненні давераных асоб Святланы Ціханоўскай — Таццяны Канеўскай, Юрыя Уласава, Дзмітрыя Івашкова і Аляксандра Шабаліна. Іх абвінавацілі ў «масавых беспарадках» і планах па "захопе будынкаў". Суддзя Аляксей Хлышчанкоў асудзіў Юрыя Уласава на 6,5 года ў калоніі ўзмоцненага рэжыму, Таццяну Канеўскую — на 6 гадоў калоніі агульнага рэжыму, а Дзмітрыя Івашкова і Аляксандра Шабаліна — на 6 гадоў калоніі ўзмоцненага рэжыму.
Дзмітрый адбываў тэрмін у ПК № 15.
Напрыканцы студзеня 2023 г. у Магілёве адбыўся суд па ўзмацненні рэжыму палітвязню. Суд пастанавіў перавесці Дзмітрыя на турэмны рэжым тэрмінам на тры гады. Палітвязня змясцілі ў магілёўскую Турму № 4.
У Гомелі вынеслі прысуд давераным асобам Ціханоўскай, якія нібыта рыхтавалі пратэсты з "захопам выканкама"
Гомель: Пачаўся суд над сябрамі ініцыятыўнай групы Святланы Ціханоўскай
