Ксенія Аляксандраўна Алькенава — супрацоўніца IT-кампаніі "Гейм Стрым". Яе затрымалі 11 сакавіка ў Мінску. Паводле сілавікоў, у 2020-2021 гадах праз данаты ў Facebook яна зрабіла 9 плацяжоў у фонды салідарнасці на агульную суму 425$. Праўладныя тэлеграм-каналы апублікавалі відэа з ператрусу, падчас якога ў Алькенавай знойдзены і канфіскаваны БЧБ-сцяг, 20 000$ і аргтэхніка.

Цяпер яе абвінавачваюць паводле ч.1 арт. 361-2 КК (Фінансаванне экстрэмісцкай дзейнасці) і арт. 361-2 КК (Фінансаванне дзейнасці экстрэмісцкага фарміравання) — пры гэтым у рэдакцыі ад 26 траўня 2021 года гэтая фармулёўка адсутнічае.

Суд над палітзняволенай адбыўся 10 ліпеня 2023 г. ў Мінгарсудзе, суддзя Яўген Хаткевіч. Вынік суда — 4 гады ў калоніі агульнага рэжыма. 

29 верасня 2023 г. адбыўся разгляд апеляцыі Ксеніі ў Вярхоўным судзе. 

8 кастрычніка 2023 г. Ксенію з СІЗА-1 накіравалі ў гомельскую ПК-4.

13 кастрычніка 2023 г. МУС унесла Ксенію ў "спіс экстрэмістаў".