Канстанцін Уладзіміравіч Залатых — дырэктар газеты "Белорусы и рынок", быў затрыманы 18 траўня 2022 года пасля вобшуку ў рэдакцыі. Залатых выставілі крымінальнае абвінавачанне па ч. 2 арт. 130 Крымінальнага кодэкса Беларусі (распальванне варажнечы, спалучанае з гвалтам альбо здзейсненае службовай асобай).

Палітвязень знаходзіўся ў жодзінскім СІЗА, на пачатку жніўня 2022 г. быў пераведзены ў СІЗА-1 на Валадарскага.

Канстанціна Залатых абвінавачваюць паводле чатырох артыкулаў Крымінальнага кодэкса: ч. 2 арт. 130 (Распальванне расавай, нацыянальнай, рэлігійнай або іншай сацыяльнай варожасці або варажнечы), ч. 1 арт. 368 (Абраза Лукашэнкі), арт. 369 (Знявага прадстаўніка ўлады), ч. 2 арт. 426 (Перавышэнне ўлады або службовых паўнамоцтваў).

Справу Канстанціна пачалі разглядаць 24 сакавіка 2023 г. у Мінскім гарадскім судзе. Суддзя Алена Шылько зрабіла працэс закрытым. 6 красавіка 2023 г. палітвязню прысудзілі чатыры гады зняволення ў калоніі ва ўмовах агульнага рэжыму.

Вярхоўны суд 4 ліпеня пакінуў прысуд без зменаў, а скаргу — без задавальнення. Рашэнне прымаў суддзя Уладзімір Чаравач.

13 ліпеня 2023 г. КГБ дадаў палітвязня ў "тэрарыстычны спіс".

21 ліпеня 2023 г. МУС унесла палітвязня ў "спіс экстрэмістаў".

21 ліпеня 2023 г. Канстанціна перавялі ў ПК № 1 для адбывання пакарання.

Дырэктару газеты "Белорусы и рынок" Канстанціну Залатых прысудзілі чатыры гады калоніі

Акрамя ч. 2 арт. 426 КК (перавышэнне ўлады або службовых паўнамоцтваў), яму ставілі ў віну некалькі эпізодаў з размяшчэннем абразлівых каментароў на адрас афіцыйных асоб і Аляксандра Лукашэнкі ў сацыяльных сетках.

У Мінску пачынаецца суд над палітзняволеным дырэктарам газеты “Беларусы і рынак”

Паводле матэрыялаў следства, Канстанцін Залатых, "з'яўляючыся дырэктарам ЗАТ "Медыярынак", ведаў аб унесеных у Закон Рэспублікі Беларусь "Аб сродках масавай інфармацыі" зменах, якія перашкаджалі двум грамадзянам Рэспублікі Польшча валодаць сумарна 28% акцый таварыства. Апроч гэтага, яму ставяцца ў віну некалькі эпізодаў з размяшчэннем абразлівых каментароў у адрас афіцыйных асоб і Аляксандра Лукашэнкі ў сацыяльных сетках.