Ігар Вячаслававіч Мельнікаў — гісторык.

Як раней пісала «Наша Ніва», у яго была неадназначная рэпутацыя ў прафесійных колах. Ён пачынаў з заходнерусізму, адтуль пераскочыў у паланафільства, але ўрэшце прыйшоў у падкрэсленую беларускасць.

Перад затрыманнем ён казаў, што рыхтуе кнігу пад назвай «Прыступіць да ліквідацыі». Па словах гісторыка, яна мусіла распавядаць пра «гісторыю барацьбы савецкіх міліцыянераў і чэкістаў супраць былых нацысцкіх памагатых і калабарацыяністаў…».

Апошняя актыўнасць Мельнікава ў інстаграме датуецца 21 студзеня 2024 году, акурат напярэдадні рэйду на салідарных з палітвязнямі, які адбыўся з 23 па 24 студзеня. Але ў віну Ігару паставілі інтэрв'ю "Еўрарадыё". 

Суд над Ігарам пачаўся 10 верасня ў Мінгарсудзе. Яго абвінавачваюць у «садзейнічанні экстрэмісцкай дзейнасці» (ч. 1 арт. 361-4 КК). Судзіў Мельнікава Міхаіл Макарэвіч. Ён прысудзіў Ігару 4 гады пазбаўлення волі ў калоніі агульнага рэжыму. 

Разгляд апеляцыйнай скаргі адбыўся ў Вярхоўным судзе 5 лістапада 2024 г. Старшыня судовай калегіі Святлана Бандарэнка.

22 лістапада 2024 г. унесены МУС у "спіс экстрэмістаў". 

Гісторыку Ігару Мельнікаву прысудзілі 4 гады калоніі за інтэрв’ю "Еўрарадыё"

У Мінскім гарадскім судзе 13 верасня асудзілі палітзняволенага Ігара Мельнікава паводле ч. 1 арт. 361-4 (садзейнічанне экстрэмісцкай дзейнасці) Крымінальнага кодэкса. Суддзя Міхаіл Макарэвіч прызначыў Ігару чатыры гады пазбаўлення волі ў калоніі ва ўмовах агульнага рэжыму.