Канстанцін Уладзіміравіч Прусаў — мастак і дызайнер інтэр’ераў. Раней выкладаў у Гомельскай дзіцячай мастацкай школе малюнак, жывапіс, кампазіцыю і гісторыю мастацтваў. Спецыялізуецца ў ручным роспісу сцен, выканаў больш за 50 праектаў у Беларусі, Германіі, Расіі і Чэхіі.

Быў асуджаны 9 лютага 2022 года судом Чыгуначнага раёна горада Гомеля.

Суддзя Яраслаў Парэмскі прызнаў палітвязня вінаватым адразу па трох артыкулах Крымінальнага кодэкса: ч.1 арт. 367 (паклёп на Лукашэнку); ч.1 арт. 368 (абраза Лукашэнкі); арт. 369 (абраза прадстаўніка ўлады)..

Шляхам частковага складання Прусаву прызначылі канчатковае пакаранне ў выглядзе пазбаўлення волі на 3,5 гады ў калоніі ва ўмовах агульнага рэжыму са штрафам у памеры 100 базавых велічыняў (3200 беларускіх рублёў). Мабільны тэлефон Прусава канфіскаваны ў даход дзяржавы.

Палітвязень адбывае пакаранне ў наваполацкай ПК № 1.