Таццяна Віктараўна Сцепа затрыманая 23 студзеня 2024 году падчас рэйду сілавікоў паводле ч. 2 арт. 361-4 Крымінальнага кодэксу (садзейнічанне экстрэмісцкай дзейнасці). Вядома, што яна выказвала салідарнасць палітзняволеным, пісала ім лісты.

Утрымліваецца ў СТ № 8.

16 верасня 2024 г. пачаўся разгляд справы Таццяны. Яе судзяць паводле ч.1 і ч. 2 артыкула 361-4  (садзейнічанне экстрэмісцкай дзейнасці) і артыкула 361 ч.3 (заклікі да захадаў абмежавальнага характару (санкцыяў), іншых дзеянняў, скіраваных на нанясенне шкоды нацыянальнай бяспекі РБ). Таксама адбыліся пасяджэнні 18 і 19 верасня, 7, 14 і 17 кастрычніка. Суддзя Алена Шылько прысудзіла Таццяне 4 гады пазбаўлення волі ў калоніі ва ўмовах агульнага рэжыму.

Утрымліваецца ў СІЗА № 1. 

На час апеляцыі ўтрымліваецца ў СІЗА № 3. 

"Хто дапамагае з перадачамі?" Падрабязнасці масавага рэйду сілавікоў на сваякоў палітвязняў

Паводле "Вясны", па стане на 7 лютага пад пераслед трапілі сама меней 224 чалавекі, абсалютная большасць з якіх — жанчыны. Пасля ператрусаў людзей забіралі на допыты, а потым адпускалі з падпіскай аб неразгалошванні. Але на волю выйшлі не ўсе — праваабаронцы высвятляюць лёс затрыманых. Па папярэдняй інфармацыі, прычынай зацікаўленасці да некаторых з боку КДБ стала дапамога сем'ям палітвязняў ад ініцыятывы "INeedHelpBY", якую днямі ўлады прызналі "экстрэмісцкім фармаваннем".