Яўген Уладзіміравіч Прапольскі быў затрыманы 29 верасня 2020. Дзяржаўнае тэлебачанне паказала яго ў сваім роліку "МУС Беларусі ідэнтыфікуе адміністратараў "ананімных" чатаў і ўдзельнікаў пратэстаў".

Яго абвінавачвалі паводле ч. 1 арт. 13 і ч. 2 арт. 293 КК (удзел у масавых беспарадках у Мінску) і ч. 1 арт. 13 і ч. 3 арт. 218 КК (наўмыснае знішчэнне ці пашкоджанне маёмасці).

Фігурант крымінальнай "справы чата". 

Першапачаткова па справе было 12 абвінавачаных. З восені 2020 года на волі знаходзіўся толькі Давід Слашчоў. Некалькі палітвязняў заявілі аб катаваннях падчас затрымання або напісання "чыстасардэчных прызнанняў".

Пасля затрымання ўсім мужчынам прад'явілі абвінавачванні па ч. 2 арт. 293 Крымінальнага кодэксу (удзел у масавых беспарадках). На судзе стала вядома, што ім таксама інкрымінуецца злачынства па ч.3 арт. 218 КК (наўмысныя знішчэнне альбо пашкоджанне чужой маёмасці). Апошні артыкул прад'яўлены праз арт.13 КК (падрыхтоўка да злачынства). Юрыю Бялько таксама выстаўленыя абвінавачванні паводле ч. 2 арт. 295 КК (незаконныя дзеянні ў дачыненні да агнястрэльнай зброі, боепрыпасаў і выбуховых рэчываў): пры ператрусе ў ягоным гаражы знайшлі зброю.

Усіх іх вінавацяць ва ўдзеле ва ўдзеле ў телеграм-чаце "радыкальнага напрамку". У паказаннях фігуруюць некалькі чатаў — у прыватнасці, "ОГСБ" (Отряд гражданской самообороны), "Подработка Минск", "100", "101". Акрамя гэтага — у намеры пашкодзіць або знішчыць тры "Табакеркі".

Яўген у поўным аб'ёме не прызнаў віну.

Ён аспавёў, што быў у чаце "Минск Подработка", каб падзарабіць: па гэтай нагоды адзін раз сустракаўся з Ластоўскім. Не памятае, як трапіў у чаты "100", "101": там яму было нецікава, таму што гэта не было з нагоды працы.

"У чаце "101" абмяркоўваліся навіны, — распавёў ён. — Пра "Табакеркі" нешта было: альбо запеніць, альбо падпаліць. Не памятаю падрабязнасцяў, проста размаўлялі. Прапаноўвалася сустрэцца на Уруччы 29 жніўня 2020 года, па-мойму. Хацелі паліць — напэўна, бензінам. Я дакладна не памятаю. Я не збіраўся ехаць".

Адвакатка адзначыла, што матэрыялах справы паказаны дыягназ яе падабароннага: яму цяжка засяродзіцца.

Яўгена Прапольскага затрымалі, калі ён выходзіў з інтэрната на сустрэчу з дзяўчынай. Пры затрыманні ў яго знайшлі электрашокер, які ён насіў для самаабароны.

"Мяне прымушалі пісаць чыстасардэчнае прызнанне на імя начальніка УСК, — распавёў ён. — Мне пагражалі, катавалі — білі маім электрашокерам. Добраахвотна я не пісаў заяву. Потым у мяне праблемы са здароўем былі: было дрэнна, кружылася галава, была адбітая нага".

Адвакатка папрасіла правесці экспертызу почырку на прадмет вызначэння, у якім стане знаходзіўся яе падабаронны, адчуваў ціск, стрэс, пісаў заяву ў незвычайнай позе. У хадайніцтве было адмоўлена. Таксама адвакат заявіла хадайніцтва аб прызнанні несапраўдным доказаў, атрыманых з парушэннем закона, — паказанняў, дадзеных пад прымусам. Суддзя адзначыў, што хадайніцтва будзе разгледжана падчас спрэчак бакоў.

Да затрымання Яўген працаваў зваршчыкам на МТЗ: пры ператрусе на ягоным працоўным месцы знайшлі прадметы, падобныя на рагаткі. Прапольскі патлумачыў, што гэта адна-дзве падстаўкі пад дзяржальні, каб было зручней варыць.

19 ліпеня 2021 года яго асудзілі да васьмі гадоў пазбаўлення волі ва ўмовах узмоцненага рэжыму.

У сярэдзіне снежня 2021 стала вядома аб пераводзе Яўгена з Турмы № 4 у бабруйскую ПК № 2.

На пачатку жніўня 2022 з палітвязнем цалкам знікла сувязь — лістоў ад яго не было, спатканняў з ім не давалі, у самой калоніі сваякам нічога не казалі. У адным з тэлеграм-чатаў, звязаных з бабруйскай ПК № 2, з'явілася інфармацыя, што Яўген нібыта спрабаваў збегчы з калоніі — аднак родныя не вераць у гэта.

Адміністрацыя калоніі рэгулярна закідвае палітвязня ў штрафны ізалятар: у жніўні 2022 г. стала вядома, што яго бесперапынна ўтрымлівалі ў ШІЗА два месяцы запар. У снежні Яўгена змясцілі на месяц у ПКТ.

Палітвязня рэгулярна змяшчаюць у ШІЗА і збіраюцца пераводзіць на турэмны рэжым. Агулам палітвязень правёў 130 сутак у ШІЗА і 4 месяцы ў ПКТ.

У сярэдзіне траўня 2023 г. стала вядома, што палітзняволены ўтрымліваецца ў бабруйскім ІЧУ ў чаканні суда.

У судзе Бабруйскага раёна і г. Бабруйска 3 траўня 2023 года па новай крымінальнай справе паводле ч. 2 арт. 411 Крымінальнага кодэкса (злоснае непадпарадкаванне патрабаванням адміністрацыі калоніі) суддзя Павел Карцінін прызнаў палітвязня вінаватым і прызначыў яму ў дадатак да васьмі гадоў калоніі яшчэ паўтара года зняволення. Яўген новы прысуд не абскарджваў.

Паводле матэрыялаў справы, спагнанні былі выпісаны за тое, што Яўген "ляжаў на падлозе ШІЗА"; "у катэгарычнай форме адмовіўся ад прыбірання калідора інтэрната атрада, жылой секцыі, лакальнай пляцоўкі";" адмовіўся заняць адведзенае яму спальнае месца ў жылой секцыі"; "не прывітаўся пры сустрэчы з прадстаўніком адміністрацыі ўстановы".

На сярэдзіну траўня 2023 г. палітвязень знаходзіцца ў СІЗА-5 г. Бабруйск.

У канцы траўня 2023 г. стала вядома, што палітвязень знаходзіцца ў ПК № 20 у г. Мозыр.

Вядома, што ў мазырскай калоніі яго таксама змяшчалі ў штрафны ізалятар. Агулам за ўвесь час зняволення Яўген правёў каля 200 сутак у ШІЗА. Таксама ў калоніі яго не дапускаюць да працы.

10 ліпеня 2024 г. адбыўся разгляд апеляцыйнай скаргі. Старшыня судовай камісіі Анастасія Папко.

Палітвязню Яўгену Прапольскаму дадалі яшчэ паўтара года зняволення. Больш за месяц ад яго няма вестак

Напрыканцы траўня яго этапавалі ў мазырскую калонію № 20, але з 14 чэрвеня ад яго не было яшчэ ніводнай весткі.

Дзесяцярых палітвязняў асудзілі па справе ўдзельнікаў чата

Іх пазбавілі волі на тэрміны ад пяці да дзевяці гадоў у калоніі ўзмоцненага рэжыму.

Дзесяці палітвязням пракурор запрасіў ад пяці да дзевяці гадоў калоніі

Справу разглядае суддзя Дзмітрый Астапенка.

"У гэтай клетцы няма злачынцаў"

Што казалі ў спрэчках па справе аб удзельніках чата.

Амаль месяц разглядаецца справа дзесяці палітвязняў: некаторыя з іх заяўляюць пра катаванні

"Вясна" распавядае, што вядома пра гэтую справу.

Сваякі палітвязняў па справе чата: "Па парушэннях у судзе можна напісаць цэлую кнігу"

19 ліпеня 2021 года суддзя Дзмітрый Астапенка вынес прысуды адзінаццаці палітвязням, якіх прызналі вінаватымі па артыкулах 218, 293, 295 Крымінальнага кодэкса. Іх пазбавілі волі на тэрмін ад пяці да дзевяці гадоў у калоніі ўзмоцненага рэжыму. Як разглядалі справу?