Яўген Леанідавіч Людскіх - жыхар Полацкага раёна, асуджаны 22 чэрвеня 2021 года на пяць гадоў узмоцненага рэжыму ў закрытым працэсе ў Віцебскім абласным судзе па трох артыкулах Крымінальнага кодэксу:

• па ч. 1 арт. 130 Крымінальнага кодэкса (наўмысныя дзеянні, накіраваных на ўзбуджэнне сацыяльнай варожасці па прыкмеце іншай сацыяльнай прыналежнасці), 
• публічная абраза прэзідэнта Рэспублікі Беларусь па ч. 1 арт. 368 Крымінальнага кодэкса;
• пагроза гвалтам у дачыненні да Прэзідэнта з мэтай перашкодзіць яго законнай дзейнасці, прымус да змены характару гэтай дзейнасці, з помсты за выкананне службовых абавязкаў (па ч. 1 арт. 366 Крымінальнага кодэкса).

Згодна з абвінавачваннем, Людскіх з кастрычніка 2019 года па ліпень 2020 года ў сетцы Інтэрнэт размяшчаў каментары з заклікамі да гвалту ў дачыненні да супрацоўнікаў праваахоўных органаў і прэзідэнта, а таксама абразы ў адрас кіраўніка дзяржавы.

Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.