Галубко Цімафей Васільевіч — супрацоўнік "Белтэлекама". У пачатку чэрвеня 2022 года яго затрымалі сілавікі. Згодна з паведамленнем ГУБАЗ, хлопец удзельнічаў у акцыях пратэсту ў жніўні 2020 года, зарэгістраваўся ў чат-боце "Перамога", а таксама выкарыстаў спецыяльнае ПЗ для рассылання спаму на нумары міліцыі.

Быў асуджаны да тры гады абмежавання волі з накіраваннем у ПУАТ паводле арт. 130 Крымінальнага кодэкса (Распальванне расавай, нацыянальнай, рэлігійнай ці іншай сацыяльнай варожасці ці варажнечы).

Першапачатковым рашэннем суда была "хатняя хімія", аднак прысуд быў апратэставаны пракурорам і Вярхоўным судом і было прынята рашэнне аб змяненні пакарання на абмежаванне волі з накіраваннем у ПУАТ.

Справу ў закрытым рэжыме пачалі разглядаць 11 жніўня 2022 года ў Віцебскім абласным судзе. 8 верасня 2022 года быў вынесены прысуд.

22 снежня 2022 года пачаў адбываць пакаранне ў ПУАТ № 43 г. Магілёва.

Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці, а таксама — тэрарыстычнай дзейнасці.