Аляксандр Дзмітрыевіч Камлёнак — жыхар Оршы. 

Яго затрымалі ў лютым, калі ён вярнуўся ў Беларусь з працы. Раней Аляксандр працаваў у лакаматыўным дэпо, але пасля 2020 года быў або звольнены, або сам звольніўся — падобна, што звальненне было палітычна матываваным. Пасля гэтага Камлёнак працаваў дальнабойнікам у заходніх краінах. А калі вярнуўся дадому з працы, быў затрыманы.

Суд Верхнядзвінскага раёна прызнаў старонку Аляксандра ў "Аднакласніках" "экстрэмісцкай".

Аляксандра 14 жніўня 2024 г. зноў судзілі, за "абразу Лукашэнкі" (арт. 368 КК) і "фінансаванне экстрэмісцкай дзейнасці" (арт. 361-2 КК). Працэс быў закрытым, судзіць Аляксандра прызначылі Яўгена Бурунова. Ён прызначыў палітвязню тры гады пазбаўлення волі ў калоніі агульнага рэжыму. 

29 кастрычніка 2024 г. адбыўся разгляд апеляцыйнай скаргі ў Вярхоўным судзе. Старшыня судовай калегіі Андрэй Кавальчук.

16 лістапада 2024 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Утрымліваўся ў СІЗА № 2, актуальны адрас невядомы.