Алег Віктаравіч Яфрэменка — жыхар Віцебска, абвінавачаны і асуджаны па артыкуле аб гвалце да супрацоўніка МУС (арт. 364 Крымінальнага кодэксу) падчас вулічнага шэсця 13 верасня 2020 года.

Палітвязня абвінавацілі ў тым, што падчас акцыі ён зрабіў падсечку міліцыянту — той упаў і падрапаў далоні. Яфрэменка быў затрыманы ў той жа дзень.

9 снежня 2020 суд Першамайскага раёну Віцебску вынес прысуд Алегу Яфрэменку. Суддзя Наталля Карабліна асудзіла яго да пазбаўлення волі тэрмінам на чатыры з паловай гады з адбываннем пакарання ў папраўчай калоніі агульнага рэжыму.

Знаходзіўся ў Турме № 4, пасля быў пераведзены ў ПК №15.

Пачынаючы з 30 верасня 2021 Алег адбывае пакаранне ва ўмовах турэмнага рэжыму ў Турме № 4. Вядома, што ў турме палітвязня рэгулярна змяшчалі ў ШІЗА за "парушэнне парадку".

15 жніўня 2022 г. у судзе Ленінскага раёна Магілёва вынеслі прысуд Алегу Яфрэменку, якога абвінавацілі паводле ч. 1 арт. 411 Крымінальнага кодэкса (злоснае непадпарадкаванне патрабаванням адміністрацыі папраўчай установы). Суддзя Вікторыя Палякова прызначыла палітвязню яшчэ адзін год зняволення.

18 лістапада 2022 года Алега перавялі ў ПК № 9 у Горках.

Трэці суд над Алегам адбыўся 25 ліпеня 2023 г. Справу разглядала суддзя Горацкага раёна Алена Вараб’ёва. Яна прызнала палітвязня вінаватым і прысудзіла яму яшчэ адзін год пазбаўлення волі.

Вядома, што Яфрэменку ўжо перавялі ў магілёўскую турму № 4.

У пачатку 2024 г.стала вядома, што Алег адбывае тэрмін у ПК-14.

У судзе Барысаўскага раёна 23 верасня 2024 г. будзе разгледжана чарговая справа супраць палітвязня. Яго трэці раз абвінавачваюць паводле ч. 1 арт. 411 Крымінальнага кодэкса (злоснае непадпарадкаванне патрабаванням адміністрацыі папраўчай установы). Працэс будзе весці суддзя Людміла Зінкевіч.

13 снежня 2024 г. адбыўся разгляд апеляцыйнай скаргі ў Мінскім абласным судзе. Старшыня судовай калегіі Анатоль Дабрадзей.

Палітвязня Алега Яфрэменку трэці раз будуць судзіць за "непадпарадкаванне адміністрацыі калоніі"

У судзе Барысаўскага раёна 23 верасня будзе разгледжана чарговая справа супраць палітвязня Алега Яфрэменкі. Яго трэці раз абвінавачваюць паводле ч. 1 арт. 411 Крымінальнага кодэкса (злоснае непадпарадкаванне патрабаванням адміністрацыі папраўчай установы). Раней палітвязню ўжо ўзмацнялі рэжым: у верасні 2021 Алега перавялі на турэмны рэжым, а пазней двойчы дадавалі па году калоніі за "непадпарадкаванне адміністрацыі". Алега ўтрымліваюць у зняволенні ўжо чатыры гады.

Палітвязня Алега Яфрэменку зноў асудзілі за "непадпарадкаванне" адміністрацыі калоніі. Яму дадалі яшчэ адзін год зняволення

Раней палітвязню ўжо ўзмацнялі рэжым: у верасні 2021 года з калоніі, дзе ён адбываў тэрмін за падсечку міліцыянту, Алега перавялі на турэмны рэжым у Магілёў, а летась дадалі год калоніі за "непадпарадкаванне" адміністрацыі магілёўскай турмы.

Палітвязня Алега Яфрэменку асудзілі да яшчэ аднаго года зняволення за "непадпарадкаванне" адміністрацыі магілёўскай турмы

Раней палітвязню ўжо ўзмацнялі рэжым — у верасні 2021 года з калоніі, дзе ён адбываў тэрмін за падсечку міліцыянту, Алега перавялі на турэмны рэжым у Магілёў. Вядома, што адміністрацыя магілёўскай турмы рэгулярна змяшчала палітвязня ў ШІЗА.

Віцебск: 4,5 гады калоніі за падсечку супрацоўніку міліцыі

9 снежня суд Першамайскага раёну Віцебску завяршыў разгляд крымінальнай справы ў дачыненні да 39-гадовага віцябляніна Алега Яфрэменкі.

Жыхара Віцебска вінавацяць у гвалце над супрацоўнікам МУС. Журналістаў на працэс не пусцілі

7 снежня ў судзе Першамайскага раёну Віцебску пачаўся крымінальны працэс над 29-гадовым віцяблянінам Алегам Яфрэменкам. Яго вінавацяць ва ўчыненні гвалту да супрацоўніка МУС (арт. 364 КК) падчас вулічнага шэсця 13 верасня, калі адбыліся сутыкненні пратэстоўцаў з міліцыяй. Яфрэменку затрымалі ў той жа дзень.