Дзмітрый Валер'евіч Дубкоў —  дальнабойшчык. Быў затрыманы 13 жніўня 2020 года ў сябе дома.

У ноч з 10 на 11 жніўня Дзмітрый прысутнічаў на акцыі пратэсту каля станцыі метро "Пушкінская" ў Мінску. Яго папрасілі перагарадзіць дарогу машынай камунальнай службы, што ён і зрабіў. 

Першапачаткова яму ставілі ў віну тры артыкулы Крымінальнага кодэкса: ч. 2 арт. 293 (Масавыя беспарадкі), ч. 1 арт. 310 (Наўмыснае блакаванне транспартных камунікацый), ч. 3 арт. 214 (Крадзеж транспартнага сродку, учынены з прымяненнем насілля, небяспечнага для жыцця або здароўя, альбо з пагрозай яго прымянення). Пазней стала вядома, што яму прад'явілі абвінавачванне па адным артыкуле — ч. 2 арт. 293 КК (удзел у масавых беспарадках), але судзілі Дзмітрыя таксама і за ч. 3 арт. 214 КК (крадзеж транспартнага сродку).

У лютым 2021 года яго прызналі вінаватым па ч. 3 арт. 214 і ч. 2 арт. 293 Крымінальнага кодэкса і асудзілі да сямі гадоў пазбаўлення волі ў калоніі ўзмоцненага рэжыму па сукупнасці пакаранняў: на шэсць гадоў — па 214 артыкуле, на пяць — па 293. 

Вядома, што на працягу 2022 г. Дзмітрыя тройчы змяшчалі ў ШІЗА. У красавіку 2023 г. яго ізноў перавялі ў штрафны ізалятар.

Адміністрацыя ПК № 22 прызнала палітвязня "злосным парушальнікам рэжыму".

Палітвязню Дзмітрыю Дубкову — сем гадоў узмоцненага рэжыму

"Я адмовіўся ад здзяйснення злачынства".

Пракурор запрасіла для палітвязня Дзмітрыя Дубкова сем гадоў пазбаўлення волі

А таксама — задаволіць пазоў 21,861 р. у поўным аб'ёме.

Палітвязень Дзмітры Дубкоў пра абвінавачанне: "Сеў, завёў, пасігналіў, павярнуў налева і спыніўся"

Другое паседжанне па справе адбылося 15 студзеня.

Мінск: пачаўся суд над палітвязнем Дзмітрыем Дубковым

Дзмітрый Дубкоў віну не прызнае.

«Сыну прапанавалі заехаць у АМАП, ён адмовіўся». Затрыманы хлопец, які падчас акцыі перакрыў дарогу МАЗам

28-гадовы дальнабойшчык Зміцер быў затрыманы дома. Як распавяла TUT.BY яго мама, хлопец у ноч з 10 на 11 жніўня прысутнічаў на акцыі каля станцыі метро "Пушкінская". У нейкі момант, па словах Ірыны, да сына падбеглі людзі і папрасілі перагарадзіць дарогу машынай камунальнай службы.