Ірына Злобіна

Дата нараджэння: 25 красавіка 1989

Дата затрымання: 12 студзеня 2021

Прад'яўленыя абвінавачванні:

арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
арт. 356 Крымінальнага кодэкса — Здрада дзяржаве

Вынік суда: 9 гадоў

Від пакарання: пазбаўленне волі ў калоніі ва ўмовах агульнага рэжыму

Суддзя: Тулейка Вячаслаў

Месца зняволення: СІЗА-3

Сімвалічны/ая хросны/ая: Джон Хаўэл, дэпутат ад кансерватараў у брытанскім парламенце

Ірына Віктараўна Злобіна скончыла факультэт філасофіі і сацыяльных навук БДУ. Апошнія гады займалася сваім невялікім бізнесам — кветкі і вытворчасць сувеніраў.

Яна была затрыманая 12 студзеня 2021 г. супрацоўнікамі МУС. З ёй затрымалі ейнага хлопца, медыяменеджара Андрэя Аляксандрава, разам з якім яна жыве.

15 студзеня ў афіцыйным паведамленні намеснік міністра ўнутраных спраў Рэспублікі Беларусь Генадзь Казакевіч заявіў, што Аляксандраў і Злобіна былі затрыманыя "па падазрэнні ў фінансаванні пратэснай дзейнасці". Па яго словах, Аляксандраў і Злобіна з жніўня 2020 года займаліся фінансаваннем асоб, якія прымалі ўдзел у пратэстах у Мінску, у тым ліку шляхам аплаты штрафаў і вяртаннем сродкаў на ўтрыманне ў ЦІП і ІЧУ.

Паводле паведамлення МУС, Аляксандраў з 22 жніўня да 9 лістапада аплаціў 250 штрафаў. Спісы і грошы на аплату штрафаў Аляксандраву перадаваў фонд BY_help.

4 красавіка 2022 г. стала вядома, што крымінальную справу ў дачыненні да Андрэя Аляксандрава, Ірыны Злобінай, Дзмітрыя Наважылава і Ірыны Леўшынай накіравалі ў суд. Ірыну Злобіну абвінавацілі паводле ч. 2 арт. 342 (Арганізацыя групавых дзеянняў, што груба парушаюць грамадскі парадак, і падрыхтоўка альбо навучанне такой дзейнасці) і ч. 1 арт. 356 (Здрада дзяржаве) Крымінальнага кодэкса.

1 верасня 2022 г. Ірына і Андрэй Аляксандраў ажаніліся ў СІЗА-1.

Суд па "справе БелаПАН" пачаўся 6 чэрвеня 2022 г. і доўжыўся роўна чатыры месяцы.  У Мінскім абласным судзе 6 кастрычніка вынеслі прысуды: журналісту і медыяменеджару Андрэю Аляксандраву прызначылі 14 гадоў калоніі, ягонай жонцы Ірыне Злобінай — 9 гадоў калоніі, галоўнай рэдактарцы і дырэктарцы "БелаПАН" Ірыне Леўшынай — 4 гады калоніі, былому дырэктару агенцтва Дзмітрыю Наважылаву — 6 гадоў калоніі. Акрамя таго, палітвязням прызначылі буйныя штрафы, у прыватнасці Злобінай — 800 базавых (25 600 рублёў). Таксама ім забаронена займаць пэўныя пасады на працягу пяці гадоў. Такія прысуды вынес суддзя Вячаслаў Тулейка.

Напрыканцы кастрычніка 2022 г. Ірыну перавялі з СІЗА-1 у гомельскі СІЗА-3.

Да 14 гадоў калоніі: агучаны прысуды па "справе БелаПАН"

30 чэрвеня 2021 году Аляксандраву і Злобінай выставілі новыя абвінавачанні — паводле ч. 1 арт. 356 Крымінальнага кодэксу (здрада дзяржаве). Верагодна, падставай для гэтага стала супрацоўніцтва з фондам BY_help і яе прадстаўнікам у "дзейнасці, накіраванай на прычыненне шкоды нацыянальнай бяспецы Беларусі".

Суд па "справе БелаПАН" прыпынены як мінімум на два месяцы. Прычына — аднаўленне "працэсуальных дзеянняў"

Чарговае судовае пасяджэнне Мінскага абласнога суда па "справе БелаПАН", якое праходзіла 29 чэрвеня ў закрытым рэжыме ў судзе Мінскага раёна, завяршылася нечаканым рашэннем аб прыпыненні працэсу як мінімум на два месяцы.

Суд па справе "БелаПАН": у чым абвінавачваюць чатырох палітвязняў

У лістападзе 2021 года КДБ прызнаў "БелаПАН" экстрэмісцкім фармаваннем. Аляксандраву, Наважылаву і Леўшынай выставілі новыя абвінавачванні па ч. 1 арт. 361-1 Крымінальнага кодэкса — стварэнне і кіраўніцтва экстрэмісцкім фарміраваннем. Ірына Злобіна — адзіная фігурантка справы, якая ніколі не працавала ў "БелаПАНе".

Адрас для лістоў: СІЗА-3. 246003, г. Гомель, вул. Кніжная, 1А

Палітвязні знаходзяцца па адрасах: