Ірына Вячаславаўна Алябовіч была затрымана 1 красавіка 2022 года па крымінальнай справе аб абразе намесніка міністра МУС Мікалая Карпянкова (арт. 369 Крымінальнага кодэксу). Таксама ёй выставілі абвінавачванні паводле арт. 364 (гвалт альбо пагроза прымянення гвалту ў адносінах да супрацоўніка органаў унутраных спраў) і арт. 368 (абраза прэзідэнта).

Вядома, што жанчына мае праблемы з ціскам і цукровы дыябет.

Утрымлівалася ў жодзінскім СІЗА, да суда знаходзілася ў СІЗА КДБ.

27 чэрвеня 2022 г. у судзе Цэнтральнага раёна Мінска суддзя Дзмітрый Карсюк прызнаў Ірыну вінаватай і асудзіў яе да трох гадоў зняволення ў калоніі агульнага рэжыму. Таксама палітзняволеная мусіць выплаціць штраф у памеры 200 базавых велічыняў.

Паслу суду Ірыну перавялі ў жодзінскую Следчую турму № 8, а неўзабаве — у гомельскую ПК № 4.

У траўні 2024 г. стала вядома, што Ірына зламала шыйку сцягна ў калоніі, яшчэ ў 2022 годзе. Палітзняволеная больш за год правяла ў санчастцы. Косткі зрасліся няправільна, яна доўга чакала якаснай дапамогі і пратэза. Ірыне не выдавалі нават хадункі, негледзячы на тое, што яны былі ў калоніі. Дзякуючы сваякам жанчыны, праблема вырашылася і цяпер жанчына пераведзена ў звычайны атрад і мае хадункі.