Андрэй Севяртока

электрык

Дата нараджэння: 4 ліпеня 1971

Дата затрымання: 27 верасня 2020

Прад'яўленыя абвінавачванні:

арт. 364 Крымінальнага кодэксу - Гвалт альбо пагроза ўжывання гвалту ў дачыненні да супрацоўніка органаў унутраных спраў

Вынік суда: 5 гадоў і 6 месяцаў

Від пакарання: пазбаўленне волі ў калоніі ўзмоцненага рэжыму

Суддзя: Мазайла Генадзь

Месца зняволення: ПК №9

Андрэй Рамуальдавіч Севяртока — жыхар Мастоў, асуджаны на 5,5 гады пазбаўлення волі ў калоніі ўзмоцненага рэжыму па арт. 364 Крымінальнага кодэкса (Гвалт у дачыненні да супрацоўнікаў міліцыі на акцыі пратэсту 27 верасня). Таксама па гэтай крымінальнай справе асуджаны Міхаіл Ефімовіч, Вадзім Хіжнякоў і Міхаіл Юдзін.

Згодна з выстаўленымі абвінавачваннямі, на прыпынку грамадскага транспарту «Усход» 27 верасня Севяртока наўмысна нанёс супрацоўніцы АМАП па прозвішчы Заяц адзін удар кулаком у галаву, адзін — нагой па правай назе. У гэты час Яфімавіч наўмысна кінуў у Заяц неўсталяваны прадмет, які трапіў у вобласць грудзей. Пасля чаго Юдзін наўмысна нанёс амапаўцу Башко адзін удар нагой па целе, адзін рукой па руцэ, і два — рукой у вобласць галавы. Адначасова з гэтым Хіжнякоў наўмысна кінуў у Башко неўсталяваны прадмет, выкарыстоўваючы яго ў якасці прылады злачынства.

Андрэй ішоў уздоўж "Галактыкі" да аўтавакзала. Пачуў крыкі і "жаночыя віскі" і ўбачыў, што чалавек ляжаў на зямлі. Пачаў бегчы да яго "без удзелу свядомасці", каб "закрыць сабой, сказаць, дапамагчы", "не з мэтай бойку пачаць". Яму насустрач падбегла, як ён пазней даведаўся, супрацоўніца АМАП Заяц. "У балаклаве палавыя прыкметы схаваныя", — растлумачыў Андрэй у судзе. Супрацоўніца АМАП яго схапіла, Севяртока хацеў яе адштурхнуць і трапіў кулаком у шлем. Паводле яго слоў, калі б Андрэй ведаў, што гэта жанчына, паспрабаваў бы "зрабіць фінт". Севертока сцвярджаў, што не хацеў нанесці траўму Заяц. Пасля гэтага да Заяц "прыбеглі на дапамогу". Андрэю разбілі нос, ён быў «ў амаль непрытомнасцю» і пачаў прыходзіць у сябе па дарозе да аўтобуса, распавёў абвінавачаны.

Да шасці гадоў турмы за кінутую шклянку. У Гародні працягнуўся суд за гвалт над АМАПаўцамі

Гарадзенцу Міхаілу Яфімавічу пагражае да шасці гадоў турмы за папяровую шкляначку, якую ён кінуў падчас мірнай акцыі пратэсту 27 верасня і трапіў у супрацоўніцу АМАП. Ён даў паказанні ў судзе Ленінскага раёна Гродна 11 студзеня. Разам з ім па справе аб гвалце над двума супрацоўнікамі АМАП праходзяць яшчэ трое абвінавачаных. Паводле версіі пракурора, яны дзейнічалі ў змове.

 

У Гродне працягваюць судзіць чатырох чалавек за гвалт над міліцыянтамі

15 студзеня ў Гародні адбылося чарговае судовае паседжанне па крымінальнай справе чатырох чалавек, якіх вінавацяць у гвалце над міліцыянтамі. На лаве падсудных чатыры чалавекі: Міхаіл Юдзін, Вадзім Хіжнякоў, Сяргей Яфімовіч (жыхары Гародні) і Андрэй Севяртока (з гораду Масты), перадае "Гарадзенская вясна".

У Гродне чатырох чалавек адправілі ў калонію за гвалт над амапаўцамі

У судзе Ленінскага раёна Гродна 30 сакавіка завяршыўся працэс па крымінальнай справе па арт. 364 Крымінальнага кодэкс супраць чатырох чалавек, які доўжыўся амаль тры месяцы. Міхаіл Юдзін, Вадзім Хіжнякоў, Міхаіл Ефімовіч (жыхары Гародні) і Андрэй Севяртока (з Мастоў) былі прызнаныя вінаваты у гвалце над супрацоўнікамі АМАП на акцыі пратэсту 27 верасня.

Адрас для лістоў: ПК №9. 213410, г. Горкі, вул. Дабролюбова, 16

Палітвязні знаходзяцца па адрасах:

      Што варта ведаць і як дапамагчы?