Іна Валер'еўна Глінская — супрацоўніца МТБанку, займала кіруючую пасаду. Была затрымана разам з дачкой Валерыяй 28 снежня 2021 года супрацоўнікамі ГУБАЗіК за тое, што ў жніўні 2020 года нібыта перадала дадзеныя сілавікоў у "Чорную кнігу Беларусі".

Маці і дачку судзяць паводле трох артыкулаў Крымінальнага кодэкса: ч. 3 арт. 130 (распальванне іншай сацыяльнай варожасці), ч. 3 арт. 203-1 (незаконныя дзеянні ў дачыненні да інфармацыі аб прыватным жыцці і персанальных дадзеных), арт. 352 (неправамернае завалоданне камп'ютарнай інфармацыяй).

26 снежня 2022 г. у Мінгарсудзе распачаўся разгляд справы. Палітзняволеныя цалкам прызналі віну па двух артыкулах Крымінальнага кодэкса — ч. 3 арт. 203-1, ч. 3 арт. 352 і часткова паводле ч. 3 арт. 130. Яны заявілі, што ў іх не было мэты "распальваць".

20 студзеня 2023 г. суддзя Таццяна Фалькоўская прызначыла Іне сем гадоў зняволення ў калоніі ва ўмовах агульнага рэжыму, а ейнай дачцэ Валерыі — шэсць з паловай гадоў.

Вярхоўны суд 28 красавіка 2023 г. разглядзеў апеляцыйныя скаргі палітзняволеных. Судовая калегія пад старшынствам суддзі Сяргея Гурава прыняла рашэнне пакінуць прысуд без зменаў, а скаргі — без задавальнення.

19 траўня 2023 г. КДБ дадаў палітзняволеную ў спіс "асоб, якія маюць дачыненне да тэрарыстычнай дзейнасці".

Палітзняволеная адбывае пакаранне ў ПК № 4.

Маці і дачку, якія працавалі ў МТБанку, асудзілі да 7 і 6,5 гадоў калоніі за перадачу дадзеных у "Чорную кнігу Беларусі"

Маці і дачку больш за год утрымліваюць у СІЗА-1, большасць пасяджэнняў па справе прайшла ў закрытым рэжыме.

У Мінску судзяць маці і дачку, якія працавалі ў МТБанку, за перадачу дадзеных у ЧКБ

Па справе праходзяць пяцёра пацярпелых — супрацоўнікі міліцыі і суддзя. Адна з іх — супрацоўніца Партызанскага РУУС Мінска Ліліяна Жылянкова, якая асабіста з маці прыйшла на суд.