Аляксандр Кардзюкоў

Палітвязень

Дата нараджэння: 27 жніўня 1979

Дата затрымання: 14 жніўня 2020

Прад'яўленыя абвінавачванні:

арт. 363 Крымінальнага кодэкса — Супраціў супрацоўніку органаў унутраных спраў або іншай асобе, якая ахоўвае грамадскі парадак
арт. 139 Крымінальнага кодэкса — Забойства

Вынік суда: 10 гадоў

Від пакарання: пазбаўленне волі ў калоніі ва ўмовах узмоцненага рэжыму

Суддзя: Крамянёўская Святлана

Пракурор: Буры Генадзь

Месца зняволення: ПК № 15

Справы: Пратэсты Брэст

Заява аб прызнанні палітвязнем

Сімвалічны(ая) хросны(ая): Элізабэт Фалкхавен, дэпутатка парламента Швецыі

Аляксандр Генадзьевіч Кардзюкоў — жыхар Брэста, асуджаны 25 лютага 2021 года на 10 гадоў узмоцненага рэжыму. Аляксандр — сведка забойства берасцейца Генадзя Шутава.

Кардзюкова абвінавацілі ў замаху на забойства вайскоўца, які падчас пратэстаў быў у цывільным адзенні. Кардзюкоў не прызнаваў віну. Мужчына, які стрэліў у Генадзя Шутава, па справе праходзіў пацярпелым, а сам загінулы з'яўляўся фігурантаў крымінальнай справы за супраціў супрацоўніку органаў унутраных спраў.

На падставе ч.1 арт. 14, п.10 ч. 2 арт. 139 КК Аляксандру Кардзюкову прызначана пакаранне ў выглядзе пазбаўлення волі тэрмінам 9 гадоў, на падставе ч. 2 арт. 363 КК — пазбаўленне волі тэрмінам на 2 гады. Канчаткова — 10 гадоў пазбаўлення волі ў папраўчай калоніі.

Храналогія судовых пасяджэнняў:

У Брэсце вынеслі прысуд Аляксандру Кардзюкову — 10 гадоў калоніі

Раніцай 25 лютага 2021 года ў Брэсцкім абласным судзе вынеслі прысуд Аляксандру Кардзюкову — 10 год калоніі ўзмоцненага рэжыму. Забітаму Генадзю Шутаву пастаноўлены абвінаваўчы прысуд без прызначэння пакарання.

Пракурор запрасіў 10 гадоў калоніі берасцейцу, які быў побач з Шутавым, калі таму стрэлілі ў галаву

У Брэсцкім абласным судзе 19 лютага 2021 года пракурор папрасіў асудзіць Аляксандра Кардзюкова, які 11 жніўня быў побач з Геннадзем Шутавым, калі таго смяротна паранілі ў галаву, да 10 гадоў калоніі ўзмоцненага рэжыму.

На судзе па "справе Шутава" стала вядома, хто загадаў выкарыстоўваць узброеных вайскоўцаў падчас пратэстаў

Брэсцкі абласны суд 17 лютага 2021 года працягвае разгляд крымінальнай справы супраць берасцейца Аляксандра Кардзюкова, які 11 жніўня мінулага года быў побач з Генадзем Шутавым, калі таго смяротна паранілі ў галаву.

"Хацеў стрэліць Шутаву ў плячо, але трапіў у патыліцу". Вайсковец на судзе распавёў, як забіў Генадзя Шутава

Брэсцкі абласны суд 16 лютага 2021 года пачаў разгляд крымінальнай справы супраць берасцейца Аляксандра Кардзюкова, які 11 жніўня мінулага года быў побач з Генадзем Шутавым, калі таго смяротна паранілі ў галаву.