Дзмітрый Аляксеевіч Суганяеў — родам з Брэста, у 2019 годзе скончыў Інстытут журналістыкі БДУ. Быў затрыманы 19 красавіка 2022 года. У "пакаяльным" відэа ён "прызнаецца" ў тым, што ўдзельнічаў у паслявыбарчых акцыях пратэсту і перакрываў рух транспарту.

Дзмітрыю інкрымінавалі арт. 342 КК (Арганізацыя альбо актыўны ўдзел у групавых дзеяннях, якія груба парушаюць грамадскі парадак). Утрымліваўся ў ІЧУ на Акрэсціна, пасля быў пераведзены ў СІЗА-1.

30 чэрвеня 2022 г. у судзе Савецкага раёна Мінска суддзя Марына Фёдарава прызнала Дзмітрыя вінаватым і прызначыла яму тры гады абмежавання волі з накіраваннем у ПУАТ ("хіміі"). Хлопец быў вызвалены ў зале суда да накіравання ў месца адбывання пакарання.

21 лістапада 2022 г. Дзмітрый пачаў адбываць пакаранне ў гомельскай ПУАТ № 17.