Дзмітрый Папоў

мадэратар сацыяльных сетак "Краіны для жыцця"

Дата нараджэння: 7 студзеня 1992

Дата затрымання: 4 чэрвеня 2020

Прад'яўленыя абвінавачванні:

ч. 1 арт. 293 Крымінальнага кодэкса — Арганізацыя масавых беспарадкаў
арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
арт. 191 Крымінальнага кодэкса — Перашкаджэнне ажыццяўленню выбарчых правоў
арт. 130 Крымінальнага кодэкса — Распальванне варожасці ці варажнечы

Вынік суда: 16 гадоў

Від пакарання: пазбаўленне волі ў турме ва ўмовах строгага рэжыму

Дата пачатку адбыцця пакарання: 20 чэрвеня 2022

Суддзя: Доля Мікалай

Пракурор: Мікушаў Дзяніс

Месца зняволення: Следчая турма № 8

Сімвалічны/ая хросны/ая: Селін Вара, дэпутатка Рады дзяржаваў ад Швейцарскай партыі зялёных

Дзмітрый Юр'евіч Папоў — мадэратар сацыяльных сетак "Краіны для жыцця", знік увечары 4 чэрвеня 2020 года. Грамадзянін РФ. У Расіі кіраваў праектамі "Мужское государство" і "Сканер".

Перад знікненнем ён запісаў відэа, у якім распавядае, што яго шукаюць міліцыянты і хочуць затрымаць у межах крымінальнай справы. Толькі праз некалькі дзён стала вядома, што яго асудзілі на 15 сутак арышту і перавезлі ў Мінскі ізалятар часовага ўтрымання. Адтуль яго перавялі ў СІЗА-1.

10 ліпеня 2020 года Дзмітрыю Папову было прад'яўленае абвінавачванне паводле ч. 1 арт. 342 Крымінальнага кодэкса Рэспублікі Беларусь (Арганізацыя або актыўны ўдзел у групавых дзеяннях, якія груба парушаюць грамадскі парадак); ч. 1 арт. 293 (арганізацыя масавых беспарадкаў); ч. 3 арт. 130 (распальванне сацыяльнай варожасці); ч. 2 арт. 191 (перашкода працы ЦВК).

14 снежня 2021 быў вынесены прысуд Дзмітрыю Папову: 16 гадоў зняволення ў калоніі ўзмоцненага рэжыму.

31 траўня 2022 года ў Вярхоўным судзе ў закрытым рэжыме пачалі разглядаць апеляцыйныя скаргі шасці фігурантаў "справы Ціханоўскага". На наступны дзень суд пастанавіў пакінуць прысуды без зменаў.

Дзмітрый утрымліваўся ў СІЗА-3. Сваякам доўгі час не паведамлялі, куды ён быў этапаваны; у канцы чэрвеня 2022 г. стала вядома аб пераводзе палітвязня ў бабруйскую калонію № 2.

У кастрычніку 2022 г. стала вядома, што палітвязня перавялі на турэмны рэжым, які Дзмітрый адбывае ў жодзінскай Турме № 8.

МУС 4 лістапада 2022 г. уключыла палітвязня ў "Пералік асобаў, датычных да экстрэмісцкай дзейнасці".

Паводле інфармацыі праваабаронцаў, фігуранты "справы Ціханоўскага" павінны будуць сплаціць 22 мільёны рублёў кампенсацыі — як пазначана ў судовым рашэнні, "для выплат супрацоўнікам Міністэрства ўнутраных спраў за дадатковы час на службе падчас паслявыбарчых пратэстаў".

"Справа складаецца з нічога"

Адвакатка Марыя Колесава-Гудзіліна ўпершыню распавяла, як праходзіў закрыты суд над Ціханоўскім і ягонымі паплечнікамі. Пра Дзмітрыя Папова яна адзначыла: "Чалавек атрымаў 16 гадоў за тое, што прынёс паўэрбанк і сябраваў з аператарам Ціханоўскага".

Што вядома пра расіяніна, якому прысудзілі 16 гадоў калоніі па "справе Ціханоўскага"?

Сястра Дзмітрыя Папова Юлія распавядае, што ейны брат "з тых людзей, хто не будзе сядзець, склаўшы рукі, калі можа чымсьці дапамагчы". Яна ўзгадвае, як Дзмітрый на Новы год у касцюме Дзеда Марозу "ездзіў у дзіцячыя дамы і дзіцячы цэнтр анкалогіі, радаваў дзяцей, а пасля свята сядзеў у сваіх цяжкіх думках, думаючы пра лёс малечаў". "Медыязона" публікуе лісты Дзмітрыя Папова з СІЗА і аповед ягонай сястры Юліі пра брата.

Ад 14 да 18 гадоў калоніі. Вынесены прысуды па "справе Ціханоўскага"

У Гомелі 14 снежня быў абвешчаны прысуд шасці палітвязням: Сяргею Ціханоўскаму, Ігару Лосіку, Мікалаю Статкевічу, Уладзіміру Цыгановічу, Арцёму Сакаву і Дзмітрыю Папову. Суд па “справе Ціханоўскага” праходзіў у закрытым рэжыме ў будынку гомельскага СІЗА на працягу амаль шасці месяцаў.

У "справе Ціханоўскага" змяніўся суддзя. Што вядома пра яго і ці будзе справа разглядацца з пачатку?

У будынку гомельскага СІЗА ўжо тры месяцы ў закрытым рэжыме праходзіць суд над шасцю палітвязнямі: Сяргеем Ціханоўскім, Ігарам Лосікам, Мікалаем Статкевічам, Уладзімірам Цыгановічам, Арцёмам Сакавым і Дзмітрыем Паповым. Гэтыя месяцы справу разглядаў суддзя Гомельскага абласнога суду Мікалай Бакуноў (мы распавядалі пра яго раней), але 7 верасня Лукашэнка падпісаў указ аб прызначэнні Бакунова на пасаду старшыні суду Чыгуначнага раёну Гомеля. Па інфармацыі праваабаронцаў “Вясны”, цяпер справу разглядае іншы суддзя — Мікалай Доля.

Пяць расейцаў, якіх утрымліваюць па «палітычных артыкулах» у беларускіх СІЗА. Распавядаем, што вядома пра іх цяпер

«Вясна» ўзгадвае гісторыі пераследу расейцаў беларускімі ўладамі і распавядае, што з імі адбываецца цяпер.

Адрас для лістоў: Следчая турма № 8. 222163, г. Жодзіна, вул. Савецкая, 22А

Палітвязні знаходзяцца па адрасах:

Падтрымаць «Вясну»