Эдвард Мікалаевіч Вільчэўскі працаваў таксістам у Лідзе.

Эвдарда асудзілі паводле наступных артыкулаў Крымінальнага кодэкса: ч. 1 арт. 130 КК (распальванне іншай сацыяльнай варожасці); арт. 369 (абраза прадстаўніка ўлады); ч. 1 арт. 293 (арганізацыя масавых беспарадкаў); ч. 1 арт. 13, ч. 2 арт. 293 (падрыхтоўка да ўдзелу ў масавых беспарадках); арт. 364 (пагроза ўжывання гвалту ў дачыненні да супрацоўніка органаў унутраных спраў).

На судзе Эдвард прызнаў віну цалкам. Пад вартай мужчына знаходзіцца з 19 красавіка 2022 года.

На судзе мужчына распавядаў, што «паддаўся эмоцыям і ўплыву "газет"».

14 ліпеня 2022 г. КДБ дадаў Эдварда ў "спіс тэрарыстаў".

Суд над ім пачаўся 26 верасня 2022 г. . Мужчына ўтрымліваецца ў гродзенскай турме.

У Гродзенскім абласным судзе 3 кастрычніка 2022 г. вынеслі жорсткі прысуд — дзевяць гадоў калоніі ва ўмовах узмоцненага рэжыму. Таксама ён павінен заплаціць пацярпеламу 2000 рублёў кампенсацыі.

13 студзеня 2023 г. МУС дадаў палітзняволенага ў "Пералік грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці".

У якой калоніі адбывае пакаранне Эдвард - невядома. 

Кіроўцу таксі з Ліды асудзілі да 9 гадоў калоніі за паведамленні ў тэлеграме і "вожыкі" ў гаражы

У Гродзенскім абласным судзе 3 кастрычніка вынеслі жорсткі прысуд 28-гадоваму кіроўцу таксі з Ліды Эдварду Вільчэўскаму — дзевяць гадоў калоніі ва ўмовах узмоцненага рэжыму. Таксама ён павінен заплаціць пацярпеламу 2000 рублёў кампенсацыі. За каментары ў сацсетках і знойдзеныя падчас ператрусу "вожыкі" яго асудзілі паводле чатырох артыкулаў Крымінальнага кодэкса. Прысуд вынес суддзя Мікалай Рачынскі.