Дзмітрыя Аляксандравіча Сцяпанава абвінавацілі ў стварэнні экстрэмісцкага фарміравання або ўдзеле ў ім паводле ч. 1 арт. 361-1 Крымінальнага кодэкса.

Сцяпанава яшчэ да суда змясцілі пад варту. Спярша мужчыну судзілі па адміністрацыйных “палітычных” артыкулах, а потым распачалі крымінальную справу. Пры гэтым вельмі падобна на тое, што чат "ГОБК" быў прызнаны “экстрэмісцкім фарміраваннем " ужо пасля затрымання Дзмітрыя.

Брэсцкі абласны суд у закрытым рэжыме 10 лютага 2023 года пакараў Сцяпанава пазбаўленнем волі на тэрмін чатыры гады калоніі ва ўмовах агульнага рэжыму. Справу разглядаў суддзя Андрэй Лешчанка.

Апеляцыйную скаргу палітзняволенага на прысуд разглядалі 4 красавіка 2023 г. у Вярхоўным судзе.

Утрымліваўся ў СІЗА-7, цяпер адбывае пакаранне ў ПК-17. 

Жыхару Брэста за адміністраванне лакальнага чата "ГОБК" прысудзілі 4 гады калоніі

Брэсцкі абласны суд у закрытым рэжыме 10 лютага вынес прысуд мясцоваму жыхару Дзмітрыю Сцяпанаву, абвінаваціўшы яго ў стварэнні экстрэмісцкага фарміравання або ўдзеле ў ім паводле ч. 1 арт. 361-1 Крымінальнага кодэкса.