Пётр Ярмашук
Палітвязень
Дата нараджэння: 4 лістапада 1987
Дата затрымання: 11 чэрвеня 2023
Прад'яўленыя абвінавачванні:
- арт. 361-2 Крымінальнага кодэкса — Фінансаванне дзейнасці экстрэмісцкага фармавання
- арт. 354 Крымінальнага кодэкса — Распрацоўка, выкарыстанне, распаўсюд або збыт шкоднасных камп’ютарных праграм
Вынік суда: 4 гады
Від пакарання: пазбаўленне волі ў калоніі ва ўмовах агульнага рэжыму
Суддзя: Сянько Мікалай
Пракурор: Пакала Кацярына
Месца зняволення: ПК № 3
Іншыя пазнакі: Вайна ва Украіне
Справы: Данаты
Пётр Мікалаевіч Ярмашук быў упершыню затрыманы па гэтай справе 23 сакавіка 2023 года. Яго пратрымалі трое сутак і адпусцілі, але ўжо 11 чэрвеня зноў затрымалі і ўзялі пад варту.
Паводле абвінавачання, Ярмашук 1 сакавіка 2022 г запампаваў з сайта ItArmy of Ukraine некалькі файлаў, якія дазваляюць праводзіць DDoS-напады. Затым "не менш за 8 разоў" запускаў на сваім кампутары праграму, з-за чаго "парушалася сістэма абароны ад DDoS-атак" і "была парушана праца неўстаноўленых інтэрнэт-рэсурсаў Расійскай Федэрацыі". Такім чынам, на думку дзяржабвінавачання, Ярмашук "выкарыстаў шкоднасныя патэнцыйна небяспечныя праграмы" (арт. 354 КК).
Таксама 19 жніўня 2020 г. Ярмашук праз Facebook перавёў каля 60 $ ініцыятыве BySOL (арт. 361-2 КК). Праз 7 месяцаў (12 сакавіка 2021) беларускія ўлады прызналі фонд BySOL «экстрэмісцкім фармаваннем».
24 лістапада 2023 года яго асудзілі да 4 гадоў пазбаўлення волі ў калоніі агульнага рэжыму. Справа разглядалася ў Брэсцкім абласным судзе суддзём Мікалаем Сянько.
На 12 студзеня 2024 г. быў прызначаны разгляд апеляцыйнай скаргі Пятра. Старшыня судовай калегіі Павел Каршуновіч.
19 студзеня 2024 г. унесены МУС у "спіс экстрэмістаў".
Утрымліваўся ў СІЗА № 7. Адбывае тэрмін у ПК № 3.
