Руслан Рабкавец
Палітвязень
Дата нараджэння: 16 студзеня 1990
Дата затрымання: 10 траўня 2023
Прад'яўленыя абвінавачванні:
- арт. 361-4 Крымінальнага кодэкса — Садзейнічанне экстрэмісцкай дзейнасці
Вынік суда: невядомы
Суддзя: Цяплова Ірына
Іншыя пазнакі: Вайна ва Украіне
Руслан Алегавіч Рабкавец утрымліваецца пад вартай паводле арт. 361-4 КК за перадачу звестак (відэа расейскай вайсковай тэхнікі) пратэснаму тэлеграм-каналу.
Як сцвярджае УСК па Магілёўскай вобласці, Руслан пераслаў відэа ў паблік «УКантакце» РУХ, які прызнаны ўладамі Беларусі «экстрэмісцкім». Само відэа доўжыцца ўсяго 12 секунд і ў ім нічога фактычна не адбываецца : склад з ваеннай тэхнікай проста стаіць на станцыі.
Праз некаторы час мужчыну затрымалі супрацоўнікі КДБ. Яму прад'явілі абвінавачанне па ч.1 арт. 361-4 (садзейнічанне экстрэмісцкай дзейнасці) КК РБ. Мужчыну пагражае да 6 гадоў пазбаўлення волі.
Справу Руслана разглядала ў Магілёўскім абласным судзе Ірына Цяплова - 21 і 24 ліпеня 2023 года. Прысуд невядомы.
