Дзмітрыю Алегавічу Гудзееву інкрымінавана ч. 2 арт. 290-5 КК (Арганізацыя дзейнасці тэрарыстычнай арганізацыі і ўдзел у дзейнасці такой арганізацыі) і ч. 3 арт. 361-1 КК (Стварэнне экстрэмісцкага фармавання або ўдзел у ім). Дзмітрыю 21 год і, мяркуючы па яго сацсетках, у мінулым траўні ён скончыў тэрміновую службу ў вайсковай частцы 3214 у Мінску. Яму пагражае ад 8 да 12 гадоў калоніі. Паводле інфармацыі крыніц, падчас брутальнага затрымання Дзмітрый быў моцна збіты.

25 і 29 траўня, а таксама 2 чэрвеня 2023 года ў Мінскім гарадскім судзе разглядалася ягоная справа. Працэс вяла Наталля Бугук. У чым менавіта абвінавачваюць Гудзеева — праваабаронцам невядома.

У траўні хлопца дадалі ў «тэрарыстычны спіс» КДБ. 

1 верасня 2023 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

18 чэрвеня 2023 г. разглядалася Вярхоўным судом апеляцыйная скарга Дзмітрыя. Яе вынік таксама невядомы.