Глеб Уладзіміравіч Гладкоўскі — вядомы арганізатар аэраздымак квадракоптарамі. Мае дваіх дзяцей, у тым ліку маленькую дачку.

Быў затрыманы ў Брэсце паводле крымінальнай справы, распачатай за каментары ў інтэрнэце пасля гібелі супрацоўніка КДБ Дзмітрыя Федасюка і it-спецыяліста Андрэя Зельцэра. Вядома, што Глеб пакінуў паведамленне "Димон ту-ду-ту" (паводле музыкі з фільма "Бумер"). 

Утрымліваўся ў СТ-8, у сярэдзіне траўня 2022 г. стала вядома аб пераводзе палітвязня ў СІЗА-1.

Вядома, што Глебу выставілі абвінавачванне паводле ч. 1 арт. 368 КК (абраза Лукашэнкі), арт. 198 КК (перашкаджэнне законнай прафесійнай дзейнасці журналіста), ч. 3 арт. 361 КК (заклікі да мер абмежавальнага характару (санкцый), іншых дзеянняў, накіраваных на прычыненне шкоды нацыянальнай бяспецы Рэспублікі Беларусь), ч. 1 арт. 130 КК (распальванне іншай сацыяльнай варожасці ці варажнечы).

8 лістапада 2022 г. у Мінскім гарадскім судзе распачаўся разгляд справы палітвязня. Паводле інфармацыі праваабаронцаў, у судзе быў зроблены перапынак, бо палітвязня накіроўвалі на псіхіятрычную экспертызу. 30 студзеня 2023 г. працэс аднавіўся.

1 лютага 2023 года суддзя Святлана Чарапанава асудзіла Глеба да пяці гадоў зняволення ў калоніі ва ўмовах агульнага рэжыму.

Разгляд апеляцыйнай скаргі на прысуд прызначаны на 5 траўня 2023 г.

19 траўня 2023 г. КДБ дадаў палітзняволенага ў спіс "асоб, якія маюць дачыненне да тэрарыстычнай дзейнасці".

26 траўня 2023 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

У канцы траўня 2023 г. Глеб быў этапаваны ў ПК № 1 для адбыцця пакарання.

На пяць гадоў калоніі асудзілі Глеба Гладкоўскага па "справе Зельцэра"

Мінскі гарадскі суд пасля доўгага перапынку 1 лютага вынес прысуд па крымінальнай справе палітзняволенага прадпрымальніка Глеба Гладкоўскага.

У Мінску аднавіўся суд над палітвязнем Глебам Гладкоўскім

8 лістапада 2022 г. распачаўся разгляд справы палітвязня. Паводле інфармацыі праваабаронцаў, перапынак у судзе быў звязаны з накіраваннем палітвязня на псіхіятрычную экспертызу.