Арцём Аляксандравіч Зубракоў — супрацоўнік "Белагра", які быў затрыманы напрыканцы верасня 2022 году разам з калегамі. Паведамлялася, што крымінальныя справы заведзеныя на чатырох з іх, а затрымана было каля 20. Праўладныя крыніцы пісалі, што супрацоўнікі прадпрыемства актыўна пратэставалі, пачынаючы з 2020 году. Падчас вобшуку восенню 2022 году ў іх вынята атрыбутыка і мэбля ў бчб-колерах. 

27 студзеня 2023 году Арцёма асудзілі да пяці гадоў пазбаўлення волі. Яго прызналі вінаватым паводле ч. 3 арт. 130 (Распальванне расавай, нацыянальнай, рэлігійнай альбо іншай сацыяльнай варожасці альбо варажнечы), ч. 3 арт. 203-1 (Незаконныя дзеянні ў дачыненні да інфармацыі пра асабістае жыццё і персанальныя дадзеныя) Крымінальнага кодэксу. Справу ў закрытым рэжыме разгледзела суддзя Мінскага абласнога суду Алена Бачышча.

4 красавіка 2023 года ў Вярхоўным судзе была разгледжаная апеляцыя па справе. Арцёма перавялі з СІЗА-1 у магілёўскую Турму № 4. Актуальны адрас пакуль невядомы.

Супрацоўніка "Белагра" асудзілі да пяці гадоў калоніі

Стала вядома, што 27 студзеня 2023 году да пяці гадоў пазбаўлення волі асудзілі Арцёма Зубракова. Яго прызналі вінаватым паводле ч. 3 арт. 130 (Распальванне расавай, нацыянальнай, рэлігійнай альбо іншай сацыяльнай варожасці альбо варажнечы), ч. 3 арт. 203-1 (Незаконныя дзеянні ў дачыненні да інфармацыі пра асабістае жыццё і персанальныя дадзеныя) Крымінальнага кодэксу.