Артур Роліч

Палітвязень

Дата нараджэння: 14 верасня 1984

Дата затрымання: 15 жніўня 2023

Прад'яўленыя абвінавачванні:

арт. 361-2 Крымінальнага кодэкса — Фінансаванне дзейнасці экстрэмісцкага фармавання
арт. 290-1 Крымінальнага кодэкса — Фінансаванне тэрарыстычнай дзейнасці

Вынік суда: 9 год

Від пакарання: пазбаўленне волі ў калоніі ва ўмовах узмоцненага рэжыму

Суддзя: Кацэр Сяргей

Месца зняволення: СІЗА-1

Пазнакі: Затрыманне пасля вяртання ў Беларусь

Групы: Бізнесмены

Справы: Данаты

Артур Аляксандравіч Роліч — прадпрымальнік. Яго затрымалі па вяртанні з-за мяжы. У 2013-м мужчына адкрыў уласны бізнэс — краму Grandbazaare, у якой прадаваў брэндавае адзенне і абутак. А з 2023-га Роліч перавёў старонкі свайго бізнэсу на беларускую мову.

Апошняе паведамленне ў суполцы ягонага бізнэсу датуецца 27 ліпеня 2023-га года. Тады ён расказаў, што «з'язжае ў адпачынак, але вернецца 15 жніўня». Імаверна, па вяртанні з адпачынку Артур быў затрыманы, піша «Наша Ніва».

Яму прад'явілі абвінавачанні па пяці артыкулах крымінальнага кодэкса, усе з якіх датычныя ахвяраванняў розным беларускім ініцыятывам. Гэта абедзве часткі артыкула 290-1 КК Беларусі («фінансаванне тэрарыстычнай дзейнасці»), абедзве часткі артыкула 361-2 КК («фінансаванне экстрэмісцкай дзейнасці») і артыкул 361-2 КК («фінансаванне дзейнасці экстрэмісцкага фарміравання»), які дзейнічаў да мая 2021-га.

Суд над Ролічам пачаўся 23 красавіка 2024 года ў Мінскім гарадскім судзе. Яго вынікам стаў прысуд, які вынес Сяргей Кацэр 9 год у калоніі ўзмоцненага рэжыма

9 жніўня 2024 г. будзе разгледжаная апеляцыйная скарга Артура. Пасля ён будзе адбываць тэрмін у ПК № 15. 

Прадпрымальніка, якога затрымалі па вяртанні з-за мяжы, асудзілі да 9 гадоў калоніі за данаты

У Мінскім гарадскім судзе 20 траўня агучылі прысуд 39-гадоваму прадпрымальніку Артуру Ролічу — дзевяць гадоў калоніі ва ўмовах узмоцненага рэжыму. Яго асудзілі паводле пяці артыкулаў Крымінальнага кодэкса за ахвяраванні розным беларускім ініцыятывам. Прысуд вынес Сяргей Кацэр.

Адрас для лістоў: СІЗА-1. 223016, Навадворскі сельсавет, 143/4, в. Пашковічы, Мінскі раён, Мінская вобласць

Палітвязні знаходзяцца па адрасах:

Падтрымаць «Вясну»