Арцём Мікалаевіч Сакаў — сябра ініцыятыўнай групы па вылучэнні ў прэзідэнты Святланы Ціханоўскай, былы памежнік. Арцём быў затрыманы 31 траўня 2020 года ў сваёй уласнай кватэры — за інцыдэнт з Сяргеем Ціханоўскім, які адбыўся 29 траўня ў Гродне на адным з пікетаў па зборы подпісаў за Святлану Ціханоўскую. Ён быў адным з аператараў youtube-канала "Страна для жизни". 

Арцёму выстаўленыя абвінавачванні паводле ч. 1 арт. 342 (арганізацыя і падрыхтоўка дзеянняў, якія груба парушаюць грамадскі парадак) Крымінальнага кодэкса, а таксама ч. 1 арт. 293 (арганізацыя масавых беспарадкаў); ч. 3 арт. 130 (распальванне сацыяльнай варожасці); ч. 2 арт. 191 (перашкода працы ЦВК).

14 снежня 2021 быў вынесены прысуд Арцёму Сакаву: 16 гадоў зняволення ў калоніі ўзмоцненага рэжыму.

31 траўня 2022 у Вярхоўным судзе ў закрытым рэжыме пачалі разглядаць апеляцыйныя скаргі шасці фігурантаў "справы Ціханоўскага". На наступны дзень суд пастанавіў пакінуць прысуды без зменаў.

Для адбыцця пакарання Арцём Сакаў быў этапаваны ў ПК № 17. Адміністрацыя шклоўскай калоніі 19 жніўня 2022 г. змясціла палітвязня ў ПКТ тэрмінам на чатыры месяцы. Падставай стала "парушэнне правілаў унутранага распарадку".

МУС 4 лістапада 2022 г. уключыла палітвязня ў "Пералік асобаў, датычных да экстрэмісцкай дзейнасці".

Паводле інфармацыі праваабаронцаў, фігуранты "справы Ціханоўскага" павінны будуць сплаціць 22 мільёны рублёў кампенсацыі — як пазначана ў судовым рашэнні, "для выплат супрацоўнікам Міністэрства ўнутраных спраў за дадатковы час на службе падчас паслявыбарчых пратэстаў".

9 лістапада 2022 г. у судзе Шклоўскага раёна разглядзелі справу аб узмацненні палітвязню рэжыму. Паводле рашэння суда Арцёма Сакава перавялі на турэмны рэжым у магілёўскую Турму № 4.

Ад 14 да 18 гадоў калоніі. Вынесены прысуды па "справе Ціханоўскага"

У Гомелі 14 снежня быў абвешчаны прысуд шасці палітвязням: Сяргею Ціханоўскаму, Ігару Лосіку, Мікалаю Статкевічу, Уладзіміру Цыгановічу, Арцёму Сакаву і Дзмітрыю Папову. Суд па “справе Ціханоўскага” праходзіў у закрытым рэжыме ў будынку гомельскага СІЗА на працягу амаль шасці месяцаў.

У "справе Ціханоўскага" змяніўся суддзя. Што вядома пра яго і ці будзе справа разглядацца з пачатку?

У будынку гомельскага СІЗА ўжо тры месяцы ў закрытым рэжыме праходзіць суд над шасцю палітвязнямі: Сяргеем Ціханоўскім, Ігарам Лосікам, Мікалаем Статкевічам, Уладзімірам Цыгановічам, Арцёмам Сакавым і Дзмітрыем Паповым. Гэтыя месяцы справу разглядаў суддзя Гомельскага абласнога суду Мікалай Бакуноў (мы распавядалі пра яго раней), але 7 верасня Лукашэнка падпісаў указ аб прызначэнні Бакунова на пасаду старшыні суду Чыгуначнага раёну Гомеля. Па інфармацыі праваабаронцаў “Вясны”, цяпер справу разглядае іншы суддзя — Мікалай Доля.

Крымінальная справа за гвалт да міліцыянтаў: вобшукі, затрыманні і новы фігурант справы

Арцёма Сакава затрымалі па "справе Ціханоўскага" 31 траўня

Палітвязень Арцём Сакаў ужо тры тыдні не выходзіць на сувязь

Бацька Арцёма Мікалай Сакаў распавёў таксама "Вясне", што пра гісторыю з Арцёмам ведае практычна ўвесь гарадскі пасёлак Карма (Гомельская вобласць), у якім яны жывуць