Дзмітрый Алегавіч Шабетнік — сын грамадскага актывіста з Рэчыцы Алега Шабетніка, які кіраваў гомельскай абласной філіяй грамадскай арганізацыі "Гавары праўду". Мужчыну судзілі паводле ч. 1 арт. 130 Крымінальнага кодэкса (распальванне нацыянальнай варажнечы) за тое, што ён на сваёй старонцы ў сацыяльнай сетцы "ВКонтакте" даваў спасылкі на навіны пра расейскую вайсковую агрэсію супраць Украіны, пісаў MAYDAY TEAM.

Вядома, што затрымалі Дзмітрыя яшчэ 9 чэрвеня, прычым брутальна, з ужываннем фізічнай сілы. Сам Шабетнік падчас пасяджэння сцвярджаў, што з першага дня супрацоўнічаў са следствам, віну прызнае і гатовы панесці пакаранне.

У Магілёўскім абласным судзе 3 кастрычніка 2022 г. вынеслі прысуд. Дзяржабвінаваўца, палічыўшы змякчальнай акалічнасцю наяўнасць у Шабетніка на ўтрыманні малога дзіцяці, запатрабаваў у якасці пакарання 3 гады зняволення ў калоніі агульнага рэжыму. Суддзя ж Магілёўскага абласнога суда Мікалай Гладкі пакараў мужчыну двума з паловай гадамі пазбаўлення волі ва ўмовах калоніі агульнага рэжыму. 

Адбывае пакаранне ў ПК-3. 

Сына рэчыцкага актывіста асудзілі да двух з паловай гадоў калоніі за рэпосты навінаў пра расейскую агрэсію

У Магілёўскім абласным судзе 3 кастрычніка вынеслі прысуд 33-гадоваму Дзмітрыю Шабетніку — сыну грамадскага актывіста з Рэчыцы Алега Шабетніка, які кіраваў гомельскай абласной філіяй грамадскай арганізацыі "Гавары праўду".