Ліцевіч Арцём Юр'евіч у 2003 годзе пачаў працаваць у міліцыі. Пасля паступіў у Магілёўскі вышэйшы каледж МУС. Але ў 2008-м яго звольнілі ў званні старшага сяржанта за "парушэнне ўмоваў кантракта". Далей ён працаваў дальнабойшчыкам. Вядома, што яго затрымалі пасля вяртання ў Беларусь.

Асуджаны ў Мінскім гарадскім судзе паводле ч. 3 ст. 361 КК (заклікі да мер абмежавальнага характару (санкцый), іншых дзеянняў, накіраваных на прычыненне шкоды нацыянальнай бяспецы Рэспублікі Беларусь) і ч. 1 ст. 342 КК (арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх). З 18 па 24 кастрычніка 2024 года справу разгледзела суддзя Ананіч Алена.

Вярхоўны Суд Рэспублікі Беларусь 24 снежня 2024 года разгледзеў апеляцыю. Старшыня судовай калегіі Іванкоў Аляксандр Іванавіч.

11 студзеня 2025 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

На 31 студзеня 2025 г. прызначаны разгляд справы Арцёма паводле ч. 3 арт. 361-1 КК (стварэнне экстрэмісцкага фармавання) і арт. 369  КК (абраза прадстаўніка ўлады). Суддзя Святлана Чарапанава. 3, 4 лютага разгляд працягнуўся. 

Напрыканцы студзеня 2025 г. унесены КДБ у "спіс тэрарыстаў". 

Утрымліваецца ў СІЗА № 1.