Арцём Ігаравіч Касакоўскі — оптык на заводзе "Оптык" у Лідзе. Скончыў фізіка-матэматычны ліцэй у Гродне, Лідскі політэхнічны каледж па спецыяльнасці "Оптык".

Затрыманы 27 верасня 2020 года ў Мінску. Знаходзіўся ў статусе абвінавачанага па арт. 293 Крымінальнага кодэксу (удзел у масавых беспарадках). Знаходзіўся ў ІЧУ на Акрэсціна, потым — у СІЗА на Валадарскага і ў СІЗА Жодзіна. У лістападзе зноў пераведзены ў СІЗА-1.

19 ліпеня 2021 года яго асудзілі да пяці гадоў пазбаўлення волі ва ўмовах узмоцненага рэжыму.

У сярэдзіне снежня 2021 г. быў пераведзены з СТ № 8 у папраўчую калонію № 1, а ў сярэдзіне траўня 2022 г. — у гродзенскую Турму № 1.

У судзе Лідскага раёна 19 траўня 2022 г. распачаўся разгляд новай крымінальнай справы супраць Арцёма: яго судзяць за ўдзел у акцыях пратэсту ў родным горадзе Ліда ў жніўні 2020-га. Цяпер па тых падзеях яму выставілі абвінавачванне паводле трох артыкулаў КК: арт. 341 (апаганьванне або знішчэнне маёмасці), ч. 1 арт. 342 (удзел у дзеяннях, якія груба парушаюць грамадскі парадак), арт. 364 (гвалт альбо пагроза прымянення гвалту ў дачыненні да супрацоўніка органаў унутраных спраў). Віну Арцём прызнаў, але растлумачыў, што на прыпынках маляваў БЧБ-сцягі, каб «людзі не забывалі».

Пракурор запатрабаваў для палітвязня яшчэ 1,5 года зняволення. Менавіта такое пакаранне вынес 23 траўня 2022 г. суддзя Аляксандр Мішураў. Агулам 23-гадовы палітвязень асуджаны да 6,5 гадоў зняволення.

17 чэрвеня 2022 г. КДБ уключыў Арцёма ў спіс "асобаў, датычных да тэрарыстычнай дзейнасці".

Палітвязень адбывае пакаранне ў наваполацкай ПК № 1.

Палітвязню Арцёму Касакоўскаму, асуджанаму да пяці гадоў калоніі, дадалі яшчэ 1,5 года зняволення

Цяпер палітвязня абвінавацілі ва ўдзеле ў акцыях пратэсту ў родным горадзе Ліда ў жніўні 2020 года па трох артыкулах Крымінальнага кодэкса: арт. 341 (апаганьванне або знішчэнне маёмасці), ч. 1 арт. 342 (удзел у дзеяннях, якія груба парушаюць грамадскі парадак), арт. 364 (гвалт альбо пагроза прымянення гвалту ў дачыненні да супрацоўніка органаў унутраных спраў). Справу разглядаў суддзя Аляксандр Мішураў.

Палітвязня Арцёма Касакоўскага, асуджанага да пяці гадоў калоніі, будуць судзіць яшчэ па трох артыкулах

У судзе Лідскага раёна 19 траўня распачнецца разгляд новай крымінальнай справы супраць 23-гадовага палітвязня Арцёма Касакоўскага. Маці палітвязня Святлана Міхайлаўна распавяла, што вядома пра суд і новую справу.

Маці палітвязня Арцёма Касакоўскага: «Цяпер пераканалася, што выхавала сына правільна»

Мама Арцёма Святлана Мікалаеўна распавяла "Вясне" пра сына.

Сваякі палітвязняў па справе чата: “Па парушэннях у судзе можна напісаць цэлую кнігу"

19 ліпеня 2021 года суддзя Дзмітрый Астапенка вынес прысуды адзінаццаці палітвязням, якіх прызналі вінаватымі па артыкулах 218, 293, 295 Крымінальнага кодэкса. Іх пазбавілі волі на тэрмін ад пяці да дзевяці гадоў у калоніі ўзмоцненага рэжыму. Як разглядалі справу? 

Дзясяцярых палітвязняў асудзілі па справе ўдзельнікаў чата

Іх пазбавілі волі на тэрміны ад пяці да дзевяці гадоў у калоніі ўзмоцненага рэжыму.

 

Дзесяці палітвязням пракурор запрасіў ад пяці да дзевяці гадоў калоніі

Справу разглядае суддзя Дзмітрый Астапенка.

 

«У гэтай клетцы няма злачынцаў»

Што казалі ў спрэчках па справе аб удзельніках чата.

 

Амаль месяц разглядаецца справа дзесяці палітвязняў: некаторыя з іх заяўляюць пра катаванні

«Вясна» распавядае, што вядома пра гэтую справу.