Андрэй Андрэевіч Зайкоў у 2020-м годзе працаваў у агенцтве нерухомасці "Этажі". У мужчыны ёсць маленькая дачка.

Паводле праўладных тэлеграм-каналаў, ён напісаў у "Чорную кнігу Беларусі" і прапанаваў скідваць адрасы сілавікоў, якія маюць дачыненне да рэпрэсій. Андрэй не ведаў, што на тым баку яму адказвае супрацоўнік ГУБАЗіК Артур Гайко. Праўладныя крыніцы сцвярджаюць, што з гэтага ж акаўнта мужчына пісаў каментары ў адкрытых чатах і групах.

Андрэя затрымалі 10 лістапада 2023 года. 10 красавіка 2024 года ў Мінскім гарадскім судзе яму вынесены прысуд паводле ч. 3 і ч. 2 арт. 130 (распальванне расавай, нацыянальнай, рэлігійнай альбо іншай сацыяльнай варожасці або варажнечы) Крымінальнага кодеса. Прысуд невядомы. Яго вынесла суддзя Святлана Чарапанава.