Андрэй Вітальевіч Слізевіч — індывідуальны прадпрымальнік. Яго пачалі судзіць другога снежня 2024 году ў Гродзенскім абласным судзе. Паводле версіі абвінавачання, ён нібыта пакідаў негатыўныя каментары пра Расію пасля тэракту ў «Крокус Холе» і заклікаў бамбіць расійскія гарады.

Суддзя Віталь Кулеш разглядае справу ў дачыненні да мужчыны паводле трох артыкулаў: арт. 130 (распальванне сацыяльнай варожасці і варажнечы), ч. 1 і ч. 2 арт. 368 (абраза Лукашэнкі), арт. 367 (паклёп у дачыненні да Лукашэнкі) Крымінальнага кодэксу.

Андрэя затрымалі ў сакавіку. Праўладныя каналы публікавалі з ім «пакаяльнае» відэа.

24 кастрычніка 2024 г. унесены КДБ у "спіс тэрарыстаў".

18 лютага 2025 г. адбыўся разгляд апеляцыйнай скаргі ў Вярхоўным судзе. Старшыня судовай калегіі Андрэй Кавальчук.

14 сакавіка 2025 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.