Андрэй Паротнікаў
Палітвязень
Дата нараджэння: 24 лютага 1978
Дата затрымання: 19 сакавіка 2023
Прад'яўленыя абвінавачванні:
- арт. 191 Крымінальнага кодэкса — Перашкаджэнне ажыццяўленню выбарчых правоў
- арт. 357 Крымінальнага кодэкса — Змова з мэтай захопу ўлады неканстытуцыйным шляхам
- арт. 356 Крымінальнага кодэкса — Здрада дзяржаве
- арт. 361-4 Крымінальнага кодэкса — Садзейнічанне экстрэмісцкай дзейнасці
- ч. 3 арт. 361-1 — Уваходжанне ў склад экстрэмісцкага фармавання
Суддзя: Тулейка Вячаслаў
Месца зняволення: СІЗА КДБ
Групы: Актывісты
Андрэй Яўгенавіч Паротнікаў — палітолаг, спецыяліст па праблемах бяспекі. Кіраўнік аналітычнага цэнтру Belarus Security Blog; член Рады арганізацыі «Правы альянс» (2010-2011).
Па словах знаёмага Андрэя, яго затрымалі ў Маскве. Яго даставілі ў Менск і ён зараз знаходзіцца ў СІЗА КДБ.
Тэлеканал АНТ пацвердзіў інфармацыю пра затрыманне аналітыка Андрэя Паротнікава. Стала вядома, што яго вінавацяць у «здрадзе дзяржаве».
Судовы працэс распачнецца 16 кастрычніка 2024 года ў Мінскім абласным судзе, пасяджэнні будуць закрытыя. Судзіць эксперта будзе Вячаслаў Тулейка.
Палітвязня абвінавачваюць паводле пяці артыкулаў Крымінальнага кодэкса:
- здрада дзяржаве (ч. 1 арт. 356);
- змова або іншыя дзеянні, здзейсненыя з мэтай захопу ўлады (ч. 1 арт. 357);
- садзейнічанне экстрэмісцкай дзейнасці (ч. 2 арт. 361-4);
- уваходжанні ў склад экстрэмісцкага фармавання (ч. 3 арт. 361-1);
- перашкода здзяйсненню выбарчых правоў (ч. 2 арт. 191).
