Андрэя Мікалаевіча Матузава абвінавацілі ў тым, што ён пакінуў у інтэрнэце абразлівы каментар у дачыненні да супрацоўніка міліцыі. Так, 9 лістапада 2020 года мужчына ў Фэйсбуку ўбачыў відэаролік, дзе міліцыянт "збівае безабароннага чалавека". Абурыўшыся гэтым, ён у іншай публікацыі, пад фотаздымкам згаданага міліцыянта і тэкстам пад ім, што дадзены супрацоўнік “збіваў затрыманых у РАУС  і здзекваўся на лесвіцы і ў спартовай зале”, пакінуў абразлівы каментар.

У судзе Ленінскага раёна Магілёва 3 студзеня 2023 года яго асудзілі паводле арт. 369 (Абраза прадстаўніка ўлады) Крымінальнага кодэкса. Суддзя Наталля Панасенка прызначыла Андрэю адзін год і шэсць месяцаў абмежавання волі з накіраваннем у папраўчую ўстанову адкрытага тыпу (“хіміі”).

Таксама міліцыянт заявіў да Андрэя грамадзянскі пазоў аб матэрыяльнай камепенсацыі маральнай шкоды памерам 3000 рублёў. Мужчына прызнаў патрабаванні. Суд часткова задаволіў патрабаванні аб кампенсацыі маральнай шкоды і ўстанавіў яе памер 1500 рублёў.

Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Адбывае пакаранне ў ПУАТ-55.

Мужчыну асудзілі на паўтара года "хіміі" за абразу міліцыянта ў Фэйсбуку

У судзе Ленінскага раёна Магілёва 3 студзеня 2023 года асудзілі Андрэя Матузава паводле арт. 369 (Абраза прадстаўніка ўлады) Крымінальнага кодэкса. Суддзя Наталля Панасенка прызначыла Андрэю адзін год і шэсць месяцаў абмежавання волі з накіраваннем у папраўчую ўстанову адкрытага тыпу (“хіміі”).