Аляксандр Мураўёў
актывіст "Буслы ляцяць"
Дата нараджэння: 13 кастрычніка 1989
Дата затрымання: 6 лістапада 2021
Прад'яўленыя абвінавачванні:
арт. 218 Крымінальнага кодэкса — Наўмысныя знішчэнне альбо пашкоджанне маёмасці, здзейсненыя агульнанебяспечным спосабам альбо якія пацягнулі прычыненне шкоды ў буйным памеры
арт. 290-4 Крымінальнага кодэкса — Стварэнне арганізацыі для ажыццяўлення тэрарыстычнай дзейнасці або ўдзел у ёй
арт. 359 Крымінальнага кодэкса — Акт тэрарызму ў дачыненні да дзяржаўнага ці грамадскага дзеяча
Вынік суда: 12 гадоў
Від пакарання: пазбаўленне волі ў калоніі ва ўмовах узмоцненага рэжыму
Суддзя: Папко Анастасія
Пракурор: Ланеўская Юлія
Месца зняволення: ПК № 17
Заява аб прызнанні палітвязнем
Сімвалічны/ая хросны/ая: Фернан Этген, старшыня Палаты дэпутатаў Люксембурга
Аляксандр Мікалаевіч Мураўёў — таксіст, ягога затрымалі 6 лістапада 2021 года па справе ініцыятывы "Буслы ляцяць". У ягонай сям'і маленькае дзіця.
Аляксандра абвінавачвалі паводле трох артыкулаў Крымінальнага кодэкса: ч. 1 арт. 359 (акт тэрарызму ў дачыненні да дзяржаўнага ці грамадскага дзеяча), ч. 2 арт. 290-4 (стварэнне арганізацыі для ажыццяўлення тэрарыстычнай дзейнасці або ўдзел у ёй), ч. 1 арт. 218 (наўмысныя знішчэнне або пашкоджанне чужой маёмасці).
28 верасня 2022 г. у Мінскім гарадскім судзе абвесцілі прысуды па гучнай справе ініцыятывы "Буслы ляцяць". Суддзя Анастасія Папко прызначыла вялікія тэрміны фігурантам справы: у прыватнасці, Аляксандру Мураўёву — 12 гадоў калоніі ўзмоцненага рэжыму.
У залежнасці ад ролі кожнага ў розным спалучэнні іх прызналі вінаватымі ва ўдзеле ў ініцыятыве "Буслы ляцяць", якая прызнана тэрарыстычнай; удзеле ў акцыях пратэсту; пашкоджанні аўтамабіля суддзі Барысаўскага раёна і шынаў аўтамабіля актывіста-карэспандэнта рэспубліканскага СМІ; кіданні камянёў у вокны кватэры мінскага пракурора і праўладнай актывісткі; знішчэнні сістэмы відэаназірання ў Фрунзенскім раёне Мінска.
Справу ў закрытым рэжыме разглядалі амаль чатыры месяцы. Дзяржаўнае абвінавачванне па справе падтрымлівала пракурорка Юлія Ланеўская.
Напрыканцы кастрычніка Аляксандра перавялі з СІЗА-1 у магілёўскую СТ № 4.
У Вярхоўным судзе 28 лютага 2023 г. у закрытым рэжыме разглядзелі апеляцыйныя скаргі палітзняволеных па справе ініцыятывы "Буслы ляцяць". Судовая калегія пад старшынствам суддзі Паўла Каршуновіча пакінула апеляцыйныя скаргі без задавальнення, а прысуд — у сіле.
Адбывае тэрмін у ПК-17.
17 сакавіка 2023 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.
Да 15 гадоў калоніі — абвешчаны прысуды шасці фігурантам справы па ініцыятыве "Буслы ляцяць"
Гісторыя таксіста Аляксандра Мураўёва, якога судзяць па справе ініцыятывы "Буслы ляцяць"
Сярод абвінавачаных — 32-гадовы таксіст з Мінска Аляксандр Мураўёў.
