Андрэй Уладзіміравіч Мацук — фігурант справы аб масавых беспарадках (ч. 2 арт. 293 КК), распачатай паводле падзеяў у Пінску ў ноч пасля выбараў 9 жніўня 2020 года. 

Вядома, што 24 сакавіка 2021 г. Андрэя затрымалі ў Пінску і змясцілі пад варту. Вядома, што падчас затрымання ён быў збіты.

6 ліпеня 2021 года ў судзе Маскоўскага раёна г. Брэста быў агучаны прысуд у дачыненні да другой партыі абвінавачаных па крымінальнай справе аб масавых беспарадках у Пінску ў ноч з 9 на 10 жніўня 2020 года. Суддзя Вера Філонік прызнала ўсіх вінаватымі і прызначыла Андрэю Моцуку 4 гады і 6 месяцаў пазбаўлення волі з адбываннем пакарання ва ўмовах узмоцненага рэжыму.

У канцы сакавіка 2022 года з'явілася інфармацыя аб пераводзе Андрэя з СІЗА-7 у папраўчую калонію № 3 (Віцьба).

У Брэсце вынеслі прысуды другой партыі абвінавачаных па "Пінскай справе"

6 ліпеня 2021 года у судзе Маскоўскага раёна г. Брэста агучаны прысуд у дачыненні да другой партыі абвінавачаных па крымінальнай справе аб масавых беспарадках у Пінску ў ноч з 9 на 10 жніўня 2020 года.

“Феміда выраніла шалі, але не хочацца, каб яна яшчэ і заплакала”. Што казалі палітвязні ў апошнім слове па "Пінскай справе"

ПЦ "Вясна" прыводзіць пазіцыю абаронцаў і апошнія словы абвінавачаных.

Ад 4 да 5,5 гадоў пазбаўлення волі запрасіў пракурор для яшчэ 10 фігурантаў "Пінскай справы"

Падчас спрэчак бакоў дзяржабвінаваўца ўказаў, што ўсе абвінавачаныя ў судзе заявілі, што з розных прычын знаходзіліся каля Пінскага гарвыканкама ў ноч з 9 на 10 жніўня 2020 года.

У Брэсце пачаўся суд над другой партыяй абвінавачаных па "Пінскай справе"

У судзе Маскоўскага раёна Брэста 31 траўня 2021 года распачаўся разгляд крымінальнай справы па масавых беспарадках у Пінску ў ноч з 9 на 10 жніўня 2020 года ў дачыненні да яшчэ 11 чалавек.