Уладзімір Іванавіч Хамічкоў — студэнт Акадэміі авіяцыі. Яго абвінавацілі па двух артыкулах Крымінальнага кодэксу Рэспублікі Беларусь — ч. 1 арт. 342 ("Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх") і ч. 2 арт. 363 ("Супраціў супрацоўніку органаў унутраных спраў або іншай асобе, якая ахоўвае грамадскі парадак, спалучаны з ужываннем гвалту або з пагрозай яго прымянення").

Справа Хамічкова датычыцца падзеяў 14 ліпеня 2020 году, калі ЦВК адмовіла ў рэгістрацыі кандыдатамі на выбарах прэзідэнта краіны экс-банкіру Віктару Бабарыку і першаму дырэктару беларускага Парку высокіх тэхналогій Валерыю Цапкалу. У сталіцы, а таксама Брэсце, Гомелі, Магілёве і Гродна прайшлі акцыі пратэсту. 

У Мінску ў другой палове дня быў перакрыты праспект Незалежнасці ў цэнтры горада, сотні людзей без сцягоў і плакатаў проста ішлі па вуліцы ці выстройваліся ў “ланцуг салідарнасці", пляскалі ў далоні. Акцыі суправаджаліся затрыманнямі з ужываннем сілы, а дзе-нідзе і сутычкамі з міліцыяй.

Згодна з абвінавачаннем, Уладзімір Хамічкоў быў затрыманы за удзел у несанкцыянаваным масавым мерапрыемстве на прыступках рэстарану KFC на перакрыжаванні вуліцы Няміга і праспекту Пераможцаў. Затым стаў фігурантам крымінальнай справы.

20 студзеня 2021 г. суд Маскоўскага раёна Мінска вынес прысуд Уладзіміру Хамічкову: абмежавання волі з накіраваннем у папраўчую ўстанову адкрытага тыпу тэрмінам на чатыры гады. 

21 траўня 2021 г. ён пачаў адбываць пакаранне ў ПУАТ № 6.

Вядома, што 30 кастрычніка 2022 г. палітвязня затрымлівалі на "хіміі".

22 затрыманыя: што цяпер вядома пра пераслед палітзняволеных "хімікаў"

Раніцай у нядзелю, 30 кастрычніка, адразу ў некалькі папраўчых установаў прыехалі супрацоўнікі ГУБАЗіКу і АМАПу. Асуджаных выклікалі на допыты, праводзілі ператрусы, правяралі тэлефоны, а потым некаторых затрымлівалі. Па інфармацыі праваабаронцаў, мінімум дзевяць чалавек ужо асудзілі па адміністрацыйных пратаколах да арышту, яшчэ дзве жанчыны чакаюць суд. Сілавікі пагражалі палітвязням не толькі адміністрацыйнымі справамі, але і крымінальнымі.

Затрымлівалі аднаго, судзілі іншага. На чатыры гады "хіміі" асудзілі Уладзіміра Хамічкова

20 студзеня суд Маскоўскага раёна Мінска вынес прысуд Уладзіміру Хамічкову, якога абвінавачвалі ў супраціве васьмярым супрацоўнікам АМАП і актыўным удзеле ў групавых дзеянняў, якія груба парушаюць грамадскі парадак. Падзеі адбываліся ўвечары 14 ліпеня ў Мінску.

Да пяці гадоў пазбаўлення волі пагражае Уладзіміру Хамічкову за супраціў супрацоўнікам АМАПу

Справа тычыцца падзеяў 14 ліпеня 2020 году, калі ЦВК адмовіла ў рэгістрацыі кандыдатамі на выбарах прэзідэнта краіны экс-банкіру Віктару Бабарыку і першаму дырэктару беларускага Парку высокіх тэхналогій Валерыю Цапкалу. У сталіцы, а таксама Брэсце, Гомелі, Магілёве і Гродна прайшлі акцыі пратэсту.

Крымінальныя справы за падзеі 14 ліпеня ў Мінску. Што вядома цяпер?

Увечары 14 ліпеня ў Мінску і іншых гарадах краіны прайшлі стыхійныя акцыі пратэсту супраць нерэгістрацыі кандыдатамі ў прэзідэнты Віктара Бабарыкі і Валерыя Цапкалы. У сталіцы ў той вечар было затрымана каля 300 чалавек, многія з іх былі аштрафаваныя і адпраўлены на "суткі" па артыкулах 23.34 (удзел у несанкцыянаваным масавым мерапрыемстве) і 23.4 КаАП (непадпарадкаванне супрацоўнікам міліцыі). Акрамя таго, за падзеі 14 ліпеня ў Мінску былі распачатыя крымінальныя справы паводле трох артыкулаў Крымінальнага кодэкса: 363 (супраціўленне супрацоўніку органаў унутраных спраў), 364 (гвалт у дачыненні да супрацоўніка органаў унутраных спраў), 342 (арганізацыя і ўдзел у парушэнні грамадскага парадку, спалучаных з відавочным непадпарадкаваннем законным патрабаванням супрацоўнікаў органаў унутраных спраў). "Вясна" публікуе вядомую па стане на 23 ліпеня інфармацыю.