Жыльская Анастасія Валер'еўна родам са Жлобіна. Працавала праграмісткай у мінскім офісе кампаніі Exadel. Гэта вялікая IT-кампанія родам з ЗША, у якой працуе некалькі тысяч чалавек. Яе затрымалі не менш за паўгода таму. Мяркуючы па абвінавачаннях, яна магла пакідаць каментары ў тэлеграме — прынамсі, у іншых сацсетках яна нічога актыўна не каментавала. 

Была асуджаная ў Мінскім гарадскім судзе паводле ч. 2 арт. 367 КК (паклёп у дачыненні да Лукашэнкі), ч. 3 арт. 361 КК (заклікі да мер абмежавальнага характару (санкцый), іншых дзеянняў, накіраваных на прычыненне шкоды нацыянальнай бяспецы Рэспублікі Беларусь) і ч. 1 арт. 130 КК (распальванне расавай, нацыянальнай, рэлігійнай або іншай сацыяльнай варожасці альбо варажнечы). З 31 кастрычніка па 5 лістапада 2024 г. справу разглядаў суддзя Кацер Сяргей. Анастасію асудзілі да пазбаўлення волі.

Маладой айцішніцы Настассі з кампаніі Exadel пагражае да 12 гадоў зняволення

Падобна, што дачапіліся да яе каментароў у інтэрнэце.