Анастасія Анатолеўна Пілько — фігурантка крымінальнай справы, якую КДБ узбудзіў па факце "спробы здзяйснення акту тэрарызму" у Мачулішчах. Была затрыманы разам з мужам Алегам Сычовым. Пара мае дваіх непаўнагадовых дзяцей, якія цяпер знаходзяцца з бабуляй.

Анастасія шмат дзе працавала, але апошняе вядомае месца працы — дырэктар друкарні ТАА «Электронны агент».

"Украінскага тэрарыста" Мікалая Швеца затрымалі 4 сакавіка ў доме Алега і Насты ў садовым таварыстве "Бярозавы Гай" у вёсцы Чарцяж (Бараўлянскі сельсавет). Пілько разам з мужам сілавікі затрымалі 3 сакавіка ў гэтым самым доме. Яе абвінавацілі паводле арт. 289 (акт тэрарызму) Крымінальнага кодэксу.

Анастасія ўтрымліваецца ў СІЗА КДБ.

Судовыя разгляды пачаліся 19 жніўня 2024 года ў Мінскім гарадскім судзе, з тых часоў прайшло 17 пасяджэнняў. Апошняе датаванае 3 кастрычніка 2024 г. Суддзя Валянціна Зянькевіч. 

На ваенным аэрадроме ў гарадскім пасёлку Мачулішчы пад Мінскам 26 лютага 2023 года прагучалі два выбухі. Пазней стала вядома, што быў падарваны і выведзены з ладу расійскі ваенны самалёт дальняй выведкі ДРЛВ-50, які знаходзіўся на гэтым аэрадроме. Ён выкарыстоўваўся для навядзення расійскіх ракет на цэлі ва Украіне.

Пасля здзяйснення дыверсіі па Беларусі прайшла хваля затрыманняў, якую сілавікі назвалі "зачысткай". Супрацоўнікі КДБ зладзілі масштабную аперацыю па выкрыццю так званых "дыверсантаў". У дамах дзясяткаў беларусаў ладзілі вобшукі, пасля чаго іх дапытвалі і затрымлівалі. Частку з іх пазней адпусцілі.

Да 25 гадоў калоніі: па "справе Мачулішчаў" агучылі прысуд 12 фігурантам

У Мінскім гарадскім судзе з 19 жніўня 2024 году ў закрытым рэжыме праходзіў працэс па гучнай справе дыверсіі ў Мачулішчах. Дванаццаці чалавекам — большасці завочна — ставілася ў віну адразу 11 артыкулаў Крымінальнага кодэкса, у тым ліку "акт тэрарызму" (ч. 3 арт. 289 КК) і "здрада дзяржаве" (ч. 1 арт. 356 КК).

"Украінскі дыверсант", айцішнік, супрацоўнік аблвыканкама: на дзяржТВ распавялі пра гучныя затрыманні

Пасля дыверсіі ў Мачулішчах 26 лютага па Беларусі пракацілася хваля затрыманняў, якую сілавікі называюць "зачысткай".