Аляксея Андрэевіча Ткачука асудзілі па надуманым абвінавачванні ў захоўванні навучальнага боепрыпасу па ч.2 арт. 295 Крымінальнага кодэкса да шасці гадоў пазбаўлення волі. 

Быў затрыманы 18 траўня 2021 года па справе аб вывазе дакументаў Міністэрства абароны РБ. У працэсе следства вывелі ў асобную крымінальную справу паводле ч. 2 арт. 295 Крымінальнага кодэкса, таму што падчас ператрусу ў кватэры нібыта выявілі выбуховыя рэчывы.

Мінскі гарадскі суд у жніўні 2022 г вынес прысуд: шэсць гадоў пазбаўлення волі ў калоніі ўзмоцненага рэжыму. Таксама Аляксея пазбавілі воінскага звання і прызначылі штраф: 500 базавых велічынь. Суд праходзіў у закрытым рэжыме.

У жніўні 2020 года мужчына напісаў рапарт на звальненне з войска і ў лістападзе быў звольнены.