Яўген Міхайлавіч Юшкевіч – былы следчы СК, а цяпер андроід-распрацоўшчык і ініцыятар праекта bychange.me, быў затрыманы ўвечары 24 лістапада ў Мінску. У яго кватэры прайшоў вобшук.

Яўген Юшкевіч у 2017 годзе звольніўся з пасады старшага следчага аддзела па расследаванні эканамічных злачынстваў Упраўлення Следчага камітэта па Мінску, а ў 2020-м стаў распрацоўшчыкам і ініцыятарам праекта bychange.me, які дапамагаў у навучанні, перападрыхтоўцы сілавікоў, дзяржслужачых і людзей, якія сышлі з працы па меркаваннях сумлення ці якіх звольнілі.

Ужо быў прызнаны праваабарончай супольнасцю палітвязнем у сувязі з заключэннем пад варту паводле арт. 342 КК; пасля мера стрымання была змененая на падпіску аб нявыездзе да затрымання ў красавіку 2021 года абвінавачванняў паводле арт. 293, 342, 289 КК РБ.

«Вочы як у сербкі»

Гісторыя кахання былога следчага Яўгена Юшкевіча, які стаў палітвязнем

— Я для сябе і пра сябе зразумеў дакладна: паламаць мне нічога не паламаюць. Наадварот, зробяць мне біяграфію. А захочуць мяне закрыць — закрыюць, я ж проста змяніў парадыгму: цяпер я не «часова ў СІЗА», цяпер я тут жыву. І жыву вальней, чым тыя, хто мяне сюды пасадзіў. Знаходзіцца ў СІЗА ў цяперашні час — гэта амаль як «быць на фронце» — пахвальна.

— Усякія дробязі зусім па-іншаму тут ацэньваюцца. Першы час слёзы наварочваліся ад кожнай перадачы, цяпер ужо прывык да іх. Але часам, калі глядзіш на нейкую дробязь накшталт двух пачкаў цыгарэт, думаеш: «Гэта ж 7 рублёў, гэта амаль 1/100 зарплаты маёй мамы, ды яшчэ і час выдаткаваны на куплю гэтых пачкаў». Акуратна складваеш і захоўваеш гэтыя 40 цыгарэт, таму што родныя табе іх куплялі, — пісаў ён у лістах да дзяўчыны Валерыі Эйсмант.