Яўген Міхайлавіч Юшкевіч — былы следчы СК, а цяпер андроід-распрацоўшчык і ініцыятар праекта bychange.me, быў затрыманы ўвечары 24 лістапада 2020 года ў Мінску. У яго кватэры прайшоў вобшук.

Яўген Юшкевіч у 2017 годзе звольніўся з пасады старшага следчага аддзела па расследаванні эканамічных злачынстваў Упраўлення Следчага камітэта па Мінску, а ў 2020-м стаў распрацоўшчыкам і ініцыятарам праекта bychange.me, які дапамагаў у навучанні, перападрыхтоўцы сілавікоў, дзяржслужачых і людзей, якія сышлі з працы па меркаваннях сумлення ці якіх звольнілі.

Ужо быў прызнаны праваабарончай супольнасцю палітвязнем у сувязі з узяццем пад варту паводле арт. 342 КК; пасля мера стрымання была змененая на падпіску аб нявыездзе да затрымання ў красавіку 2021 года абвінавачванняў паводле арт. 293, 342, 289 КК РБ.

— Усякія дробязі зусім па-іншаму тут ацэньваюцца. Першы час слёзы наварочваліся ад кожнай перадачы, цяпер ужо прывык да іх. Але часам, калі глядзіш на нейкую дробязь накшталт двух пачкаў цыгарэт, думаеш: "Гэта ж 7 рублёў, гэта амаль 1/100 зарплаты маёй мамы, ды яшчэ і час выдаткаваны на куплю гэтых пачкаў». Акуратна складваеш і захоўваеш гэтыя 40 цыгарэт, таму што родныя табе іх куплялі, — пісаў ён у лістах да дзяўчыны Валерыі Эйсмант.

У Мінскім гарадскім судзе 15 лістапада 2022 г. распачаўся суд над былым следчым. Яго абвінавацілі па шасці артыкулах Крымінальнага кодэкса: ч. 1 арт. 342 (актыўны ўдзел у дзеяннях, якія груба парушаюць грамадскі парадак); ч. 1 арт. 293 (Масавыя беспарадкі); ч. 1 арт. 368 (абраза Лукашэнкі); ч. 1 арт. 130 (распальванне іншай сацыяльнай варожасці); арт. 369 (абраза прадстаўніка ўлады); арт. 364 (гвалт або пагроза яго ўжывання ў дачыненні да супрацоўніка ўнутраных органаў). Артыкул "акт тэрарызму", па якім яго першапачаткова затрымалі, у справе не фігуруе. Суд першапачаткова быў адкрыты, але амаль адразу суддзя Алена Ананіч закрыла працэс.

26 снежня 2022 года агучылі прысуд палітвязню — 11 гадоў зняволення ў калоніі ва ўмовах узмоцненага рэжыму.

Разгляд апеляцыйнай скаргі адбыўся 10 сакавіка 2023 г. у Вярхоўным судзе. Суддзя Ігар Любавіцкі пакінуў прысуд Юшкевічу без зменаў, а скаргу без задавальнення.

КДБ у канцы сакавіка 2023 г. уключыў палітвязня ў "тэрарыстычны спіс", а ў пачатку красавіка 2023 г. — у "экстрэмісцкі".

У красавіку 2023 г. Яўгена этапавалі з СІЗА-1 у ПК № 3.

Экс-следчага Яўгена Юшкевіча асудзілі да 11 гадоў калоніі

Генеральная пракуратура паведаміла, што Юшкевіч быў "актыўным удзельнікам Telegram-чата "ХАТА", дзейнасць якога накіравана на арганізацыю злачынстваў экстрэмісцкай накіраванасці". Можна меркаваць, што менавіта ўдзел у чаце кваліфікавалі як арганізацыю масавых беспарадкаў і дзеянняў, якія груба парушаюць грамадскі парадак, паводле ч. 1 арт. 293 і ч. 1 арт. 342 Крымінальнага кодэкса.

Суд над былым следчым Яўгенам Юшкевічам будзе праходзіць у закрытым рэжыме

Сам палітвязень расцэньваў у лістах на волю свой пераслед і затрыманне як помсту за выкладзенае відэа з усталёўкай праслушкі ў машыне яго бацькі, на якой ён прыехаў 17 сакавіка 2021 года на допыт у Следчы камітэт.

У экс-следчага Юшкевіча ў СІЗА ўзялі падпіску аб неразгалошванні і прад'явілі яшчэ два абвінавачванні

«Вясна» распавядае, што вядома пра пераслед былога следчага і пра яго цяперашні стан у СІЗА.