Аляксей Сіленка
Палітвязень
Дата затрымання: 1 траўня 2024
Прад'яўленыя абвінавачванні:
- арт. 361 Крымінальнага кодэкса — Заклікі да дзеянняў, скіраваных на прычыненне шкоды нацыянальнай бяспецы Рэспублікі Беларусь
- арт. 130 Крымінальнага кодэкса — Распальванне варожасці ці варажнечы
Суддзя: Папко Анастасія
Месца зняволення: СІЗА-1
Іншыя пазнакі: Затрыманне пасля вяртання ў Беларусь
Аляксей Дзмітрыевіч Сіленка — архітэктар, барабаншчык. У 2012 годзе скончыў Беларускі нацыянальны тэхнічны ўніверсітэт, адвучыўся на архітэктара. Як барабаншчык выступаў у мінскай Пясочніцы, на Пешаходцы, удзельнічаў у шматлікіх праектах (ОХ.РА, БУЛЬВАР, Mnsr. Gustav і іншых).
Пасля пачатку вайны, калі меркаваць па чатах у тэлеграме, на нейкі час з'язджаў у Грузію. Але, падобна, пасля вярнуўся ў Беларусь.
Суд над Аляксеем распачаўся 26 лістапада 2024 году ў Мінскім гарадскім судзе. Яго абвінавачваюць у «закліках да санкцыяў» (ч. 3 арт. 361 КК) і «распальванні варожасці» (ч. 1 арт. 130 КК). Сутнасць абвінавачанняў невядомая. Справу разглядае суддзя Анастасія Папко.
