Аляксей Аляксеевіч Іваноў — затрыманы саўладальнік адукацыйнага цэнтру «100 балаў». На «пакаяльным відэа» яго прымушаюць назваць свой агульны даход за год, а таксама «прызнацца» ва ўдзеле ў акцыях пратэсту ў 2020 годзе.

Раней з усёй сям'ёй быў затрыманы Яўген Лівянт — кіраўнік адукацыйнага цэнтру «100 балаў».

19 траўня 2023 г. у судзе Маскоўскага раёна Мінска пачаўся судовы працэс па справе педагога-рэпетытара Яўгена Лівянта. Па крымінальнай справе разам з Лівянтам праходзяць яшчэ шэсць чалавек, у тым ліку яго жонка Юлія, старэйшая дачка Ганна, зяць Мікіта Дрозд і суўладальнік цэнтру Аляксей Іваноў.

25 траўня 2023 г. суддзя Кацярына Мурашка асудзіла Аляксея на два з паловай гады абмежавання волі без накіравання ў папраўчую ўстанову адкрытага тыпу ("хатняй хіміі").

Палітвязень быў вызвалены з-пад варты ў зале суда і выйшаў на волю з СІЗА-1.

25 жніўня 2023 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Вынесеныя прысуды рэпетытару Яўгену Лівянту, ягонай сям'і і калегу

Яўгену Лівянту, старэйшай дачцэ Ганне і зяцю Мікіце Дразду прысудзілі па 3 гады "хатняй хіміі". Жонку Яўгена Юлію Лівянт, ягоную малодшую дачку-студэнтку Галіну Лівянт і суўладальніка цэнтру "100 балаў" Аляксея Іванова асудзілі да 2,5 гадоў "хатняй хіміі" кожнага, а Аляксандру Энсайн (Вільчыцкую) — на 1,5 года "хатняй хіміі".