Аляксей Сяргеевіч Бародка — адвакат, быў затрыманы напрыканцы студзеня 2023 г. і цяпер знаходзіцца ў СІЗА-1 на Валадарскага. Спачатку Аляксей арыштавалі на 15 сутак паводле адміністрацыйнага пратакола, а потым перазатрымалі ў межах крымінальнай справы.

Пасля затрымання профіль адваката выдалілі з сайта Рэспубліканскай калегіі адвакатаў. Пазней стала вядома, што 21 красавіка 2023 г. яго пазбавілі ліцэнзіі. 

15 траўня 2023 году яго пачалі судзіць. Яго справу ў Мінскім гарадскім судзе будзе разглядаць суддзя Таццяна Фалькоўская. Аляксея абвінавачваюць паводле ч.3 арт. 130 КК (распальванне іншай сацыяльнай варожасці).

У чэрвені стала вядома, што Аляксей асуджаны на 6 гадоў калоніі ўзмоцненага рэжыму.

На 8 верасня 2023 г. прызначаны разгляд апеляцыйнай скаргі ў Вярхоўным судзе. Суддзя Андрэй Кавальчук.

Дзе адбывае пакаранне Аляксей, пакуль высвятляецца. 

Унесены ў "спіс тэрарыстаў" КДБ. Туды ўключаюць "асоб, якія маюць дачыненне да тэрарыстычнай дзейнасці".

22 верасня 2023 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.