Аляксандра Віктараўна Каско — была затрыманая па вяртанні з Польшчы. Яе абвінавачваюць паводле арт. 361-4 Крымінальнага кодэксу за два інтэрв'ю інфармацыйнаму рэсурсу, які прызнаны экстрэмісцкім фармаваннем. Таксама яе абвінавачваюць у адміністраванні "экстрэмісцкага" тэлеграм-канала.

 Утрымліваецца ў Турме № 1.

12 верасня 2023 г. КДБ унёс Аляксандру Каско ў "спіс тэрарыстаў". 

Была ўнесеная ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

У верасні 2023 г. стала вядома, што Аляксандру будуць судзіць паводле васьмі крымінальных артыкулаў, пракуратура Гродзенскай вобласці накіравала ў суд крымінальную справу па абвінавачанні ва "ўчыненні злачынстваў экстрэмісцкай накіраванасці". Ёй інкрымінаваны шэраг артыкулаў Крымінальнага кодэкса:

• ч.3 арт. 130 (распальванне іншай сацыяльнай варожасці);
• ч.3 арт. 203-1 (незаконныя дзеянні ў дачыненні да персанальных звестак);
• ч.ч.1,2 арт. 361-1 (стварэнне экстрэмісцкага фармавання альбо ўдзел у ім);
• ч.ч.1,2 арт. 361-4 (садзейнічанне экстрэмісцкай дзейнасці);
• ч.2 арт. 367 (паклёп на Лукашэнку);
• ч.ч.1,2 арт. 368 (абраза Лукашэнкі);
• арт. 369 (абраза прадстаўніка ўлады);
• арт. 391 (абраза суддзі).

27 лістапада 2023 г. у Гродзенскім абласным судзе распачаўся суд над Аляксандрай. Ёй пагражае да 12 гадоў зняволення. Справу будзе раглядаць суддзя Дзмітрый Бубенчык.

Згодна версіі абвінавачвання, Каско "знаходзячыся на тэрыторыі Рэспублікі Беларусь, а таксама за яе межамі, яна аказвала садзейнічанне экстрэмісцкім фарміраванням: распаўсюджвала інфармацыю адносна планавання, арганізацыі, падрыхтоўкі і здзяйснення замахаў на асновы канстытуцыйнага ладу і грамадскую бяспеку Рэспублікі Беларусь. Яна ж, з'яўляючыся адміністратаркай некалькіх дэструктыўных Telegram-каналаў, прызнаных ва ўстаноўленым парадку экстрэмісцкімі фармаваннямі, і фактычна кіруючы імі, наўмысна стварала і размяшчала на названых рэсурсах публікацыі. Пры гэтым звесткі, якія змяшчаліся ў іх, былі накіраваны на распальванне сацыяльнай варожасці і варожасці па прыкмеце іншай сацыяльнай прыналежнасці, публічную абразу прадстаўнікоў улады, суддзяў, незаконны распаўсюд інфармацыі аб прыватным жыцці і персанальных дадзеных пацярпелых без іх згоды". Акрамя гэтага, палітзняволенай ставіцца ў віну тое, што ў названых інтэрнэт-супольнасцях яна размясціла публікацыі абразлівага і паклёпніцкага характару ў дачыненні да Лукашэнкі.

19 снежня 2023 г. вынеслі прысуд Аляксандры — 10 гадоў пазбаўлення волі.

15 і 21 сакавіка 2024 г. разглядалася апеляцыйная скарга Аляксандры. Старшыня судовай камісіі Святлана Бандарэнка. Прысуд набыў моц. Аляксандру этапавалі з турмы № 1 у ПК № 4. 

12 красавіка 2024 г. унесена МУС у "спіс экстрэмістаў". 

Палітзняволеную, якую затрымалі па вяртанні з Польшчы, асудзілі да 10 гадоў калоніі

У Гродзенскім абласным судзе 19 снежня 2023 года да дзесяці гадоў калоніі прызначылі 30-гадовай палітзняволенай Аляксандры Каско. Яе затрымалі па вяртанні з Польшчы напачатку лютага гэтага года. Цяпер яе асудзілі паводле васьмі артыкулаў Крымінальнага кодэкса, у тым ліку за "ўдзел у экстрэмісцкім фармаванні" і "садзейнічанні экстрэмісцкай дзейнасці".

У Гродне пачынаюць судзіць палітзняволеную, якую затрымалі па вяртанні з Польшчы

Палітзняволенай пагражае да 12 гадоў зняволення. Справу будзе раглядаць суддзя Дзмітрый Бубенчык.