Аляксандр Зуфар'евіч Зіязэтдзінаў — мінчук, якога абвінавацілі па ч. 1 арт. 361-2 Крымінальнага кодэкса (фінансаванне дзейнасці экстрэмісцкага фарміравання) за пералічэнне ў траўні 2021 года 0,2 эфіру (каля 800 даляраў) на крыптагаманец BYPOL. 

У Мінскім гарадскім судзе 31 кастрычніка 2022 года асудзілі да трох гадоў калоніі ва ўмовах агульнага рэжыму.

Суд праходзіў у закрытым рэжыме, таму падрабязнасці справы невядомыя. Прысуд вынесла суддзя Святлана Чарапанава.

Пад вартай у СІЗА-1 Аляксандр, верагодна, знаходзіўся з чэрвеня 2022 года.

Адбывае тэрмін у ПК-17. 

29 лютага 2024 г. Аляксандра зноў пачалі судзіць у Мінскім гарадскім судзе. Яго абвінавачваюць паводле ч. 1 арт. 361-2 (фінансаванне экстрэмісцкай дзейнасці) і ч. 2 арт. 290-1 (фінансаванне тэрарыстычнай дзейнасці). Мужчыне пагражае да 15 гадоў калоніі. Суддзя Алена Шылько. За некалькі месяцаў да суда выйшаў прапагандысцкі фільм з ім, дзе ён распавёў пра водкуп і прашэнне аб памілаванні.

На час суда ён утрымліваўся ў СІЗА-1. 

17 траўня 2024 г. у Аляксандра адбыўся разгляд апеляцыйнай скаргі. Старшыня судовай калегіі Эдгар Марцірасян.

Палітвязня другі раз судзяць за данаты. Не дапамаглі нават водкуп і прашэнне аб памілаванні

Айцішніка абвінавачваюць паводле ч. 1 арт. 361-2 (фінансаванне экстрэмісцкай дзейнасці) і ч. 2 арт. 290-1 (фінансаванне тэрарыстычнай дзейнасці). Цяпер мужчыне пагражае да 15 гадоў калоніі.

За перавод крыптавалюты ў BYPOL мінчука асудзілі да трох гадоў калоніі

У Мінскім гарадскім судзе 31 кастрычніка да трох гадоў калоніі ва ўмовах агульнага рэжыму асудзілі 35-гадовага мінчука Аляксандра Зіязэтдзінава. Яго абвінавацілі па ч. 1 арт. 361-2 Крымінальнага кодэкса (фінансаванне дзейнасці экстрэмісцкага фарміравання) за пералічэнне ў траўні 2021 года 0,2 эфіру (каля 800 даляраў) на крыптагаманец BYPOL. Суд праходзіў у закрытым рэжыме, таму падрабязнасці справы невядомыя. Прысуд вынесла суддзя Святлана Чарапанава.