Аляксандр Уладзіміравіч Біруля з Салігорску быў узяты пад варту за распаўсюд пратэсных газет. Яму было прад'яўлена абвінавачванне ў паклёпе на Лукашэнку (арт. 367 Крымінальнага кодэксу). Разам з Таццянай Біруляй мае дарослую дачку.

Пазней фігурантам справы інкрымінавалі распальванне расавай, нацыянальнай, рэлігійнай альбо іншай сацыяльнай варожасці або варажнечы, здзейсненае групай асоб (ч. 3 арт. 130), апаганьванне будынкаў і псаванне маёмасці (арт. 341). Таксама фігурантаў абвінавацілі паводле ч. 1 арт. 361 (заклікі да мер абмежавальнага характару (санкцый), іншых дзеяннях, накіраваных на прычыненне шкоды нацыянальнай бяспецы Рэспублікі) і ч. 1 арт. 361-4 (Садзейнічанне экстрэмісцкай дзейнасці).

Працэс распачаўся ў Мінскім гарадскім судзе 29 жніўня 2022 г., але ў хуткім часе справу адправілі на дадатковае следства.

15 верасня 2022 г. КДБ уключыў палітвязня ў "спіс тэрарыстаў", а МУС 14 красавіка 2023 г. — у "спіс экстрэмістаў".

12 снежня 2022 года суддзя Алена Міснік прызнала Аляксандра вінаватым і прызначыла яму шэсць гадоў зняволення ў калоніі ва ўмовах агульнага рэжыму.

У сярэдзіне студзеня палітвязня перавялі з СІЗА-1 у СІЗА-6. 

Адбывае тэрмін у ПК № 9. 

Напрыканцы зімы 2024 года стала вядома, што на Алега і ягоную жонку завялі новую крымінальную справу. Яго перавялі ў следчую турму № 8.

У красавіку 2024 г. стала вядома, што Аляксандра вярнулі ў калонію. 

Ад 5,5 да 10 гадоў калоніі — чатырох палітзняволеных салігарчан асудзілі на вялікія тэрміны

Суддзя Алена Міснік прызначыла па "пратэсных артыкулах" мужу і жонцы Аляксандру і Таццяне Бірулям — па шэсць гадоў калоніі, трэнеру Алегу Гаўрылаву — 10 гадоў калоніі, Сяргею Пасюку — пяць гадоў і шэсць месяцаў калоніі.