Алеся Леанідаўна Сяргеенка ўзятая пад варту ў студзені 2024 г. Яе абвінавачваюць у фінансаванні экстрэмісцкай дзейнасці ў выніку шырокамаштабных затрыманняў падчас пераследу ўладамі за падтрымку палітвязняў і іх сем'яў сацыяльным праектам прадуктовай дапамогі INeedHelpBy.

Жонка былога палітвязня Максіма Сяргеенка. У сям'і двое дзяцей, якім 3 і 16 гадоў.

У Магілёўскім абласным судзе 22 ліпеня 2024 г. пачаўся закрыты суд над палітзняволенай. Ірына Ланчава агучыла прысуд 23 ліпеня 2024 г. Алесю судзілі паводле артыкула 361-4 часткі 1 і 2 (садзейнічанне экстрэмісцкай дзейнасці). Ёй прызначылі 3 гады і 6 месяцаў калоніі агульнага рэжыму. 

20 верасня 2024 года была ўнесена ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

13 верасня 2024 г. адбыўся разгляд апеляцыйнай скаргі Алесі ў Вярхоўным судзе. Старшыня судовай калегіі Уладзімір Давыдаў.