Алег Рубец

фанат ФК "Волна"

Дата нараджэння: 26 лютага 2002

Дата затрымання: 10 жніўня 2020

Прад'яўленыя абвінавачванні:

ч. 2 арт. 293 Крымінальнага кодэкса — Удзел у масавых беспарадках
арт. 411 Крымінальнага кодэкса — Злоснае непадпарадкаванне патрабаванням адміністрацыі папраўчай установы

Вынік суда: 5 гадоў і 6 месяцаў

Від пакарання: пазбаўленне волі ў турме ва ўмовах строгага рэжыму

Суддзя: Брэган Яўген

Месца зняволення: Следчая турма № 8

Сімвалічны/ая хросны/ая: Дзірк Візэ, намеснік старшыні парламенцкай групы СДПГ у Бундэстагу

Алег Рубец

Алег Віктаравіч Рубец скончыў ліцэй у Пінску і працаваў трактарыстам па адпрацоўцы. Быў затрыманы ў Пінску 10 жніўня 2020 года. Пры затрыманні быў моцна збіты. Знаходзіўся ў статусе падазраванага па справе аб масавых беспарадках (арт. 293 Крымінальнага кодэкса).

Суд Маскоўскага раёна Брэста 30 красавіка 2021 года вынес прысуд па крымінальнай справе па ч. 2 арт. 293 Крымінальнага кодэкса супраць 14 пінскіх палітвязняў, якіх абвінавацілі ва ўдзеле ў масавых беспарадках у ноч з 9 на 10 жніўня ў Пінску. Алега Рубца асудзілі да 5,5 гадоў калоніі ўзмоцненага рэжыму.

Блізкія Алега Рубца паведамілі, што ў лютым 2022 адміністрацыя наваполацкай калоніі закінула палітвязня ў ШІЗА на 40 сутак. Пасля гэтага яго змясцілі ў памяшканне камернага тыпу (ПКТ). Акрамя гэтага, ён напісаў у лісце, што яго чакае суд па справе аб пераводзе на турэмны рэжым.

12 траўня 2022 г. падчас дысцыплінарнай камісіі Алегу паведамілі, што супраць яго распачалі крымінальную справу паводле арт. 411 КК (злоснае непадпарадкаванне патрабаванням адміністрацыі папраўчай установы). 10 чэрвеня 2022 г. наваполацкая суддзя Вольга Баліка пастанавіла перавесці Алега на турэмны рэжым тэрмінам на тры гады.

У канцы чэрвеня палітзняволенага этапавалі з ПК № 1 у жодзінскую Турму № 8.

"Мы ганарымся сынам", — расказваюць бацька Алега Віктар і яго жонка Таццяна.

Блізкім і родным Алега і Данііла людзі, якія ўтрымліваліся разам з імі, распавялі, што іх збівалі, прыніжалі, пагражалі на працягу трох дзён з 10 па 13 жніўня.

Адрас для лістоў: Следчая турма № 8. 222163, г. Жодзіна, вул. Савецкая, 22А

Палітвязні знаходзяцца па адрасах: